Inadlawa ang pangandam sa katalagman

HIMUON nga inad-adlaw ang pagpangandam alang sa katalagman, mao kini ang tambag sa Regional Disaster Risk Reduction Management Council (RDRRMC) sa publiko.

Karong buwan sa Hulyo diin giselebrar ang National Disaster Consciousness Month naghugpong ang nagkadaiyang ahensiya aron pagpahibawo sa publiko sa kaandam niini.

Inubanan sa Office of the Civil Defense (OCD) gilangkuban kini sa Department of Science and Technology (DOST) isip prevention ug mitigation.

Ang Department of Interior and Local Government (DILG) anaa sa preparedness, ang Department of Social Welfare and Development (DSWD) diin mao kini ang response ug ang National Economic and Development Authority (NEDA) diin mao kini ang rehabilitation ug recovery.

Si Atty. Rene Burdeos, regional director sa DILG 7 nagkanayon nga Abril pa ning tuiga dihang gipangayuan ang tanang local government units (LGUs) sa pagsumiter sa ilang disaster plan.

Dugang niini nga 90 porisyento sa LGUs sa Central Visayas nakasumiter na sa ilang disaster plan.

Gibutyag usab ni Burdeos nga andam na ang mayoriya sa lokal nga kagamhanan alang sa katalagman.

Ang DSWD sa ilang bahin adunay P3 milyones nga standby funds alang sa mga katalagman.

Naka- standby usab ang ilang 30,000 nga family food packs diin ipang-distribute kini panahon sa mangayo ang LGU nga ubos sa katalagman.