Gikinahanglan ang pagbulad sa adlaw
DUNAY bag-ong research nga nakakaplag nga ang mga babaye nga dunay taas nga konsentrasyon sa Vitamin D adunay ubos nga kahigayunan nga masakit og kanser.
Apan ang mas talagsaong napalgan: ang paglikay sa adlaw mahimong sama ka peligroso sa pagpanigarilyo. Sa mga nonsmoker nga naglikay sa adlaw may kinabuhi nga susama sa mga hinabako, sumala sa usa ka bag-o nga pagtuon nga naglangkob sa dul-an sa 30,000 ka Swedish nga mga babaye sud sa 20 ka tuig. Paglikay sa adlaw “mao ang usa ka risgo nga susama ra sa ikaw nga nanigarilyo”.
Samtang, sa usa ka pagtuon nga gipatik bag-o lang sa journal PLOS USA, nakakaplag nga adunay pagkubos nga 67 porsyento sa risgo sa kanser sa mga babaye nga adunay taas nga lebel sa Vitamin D.
Ang pagbulad sa adlaw usa sa mga paagi sa pagkuha og Vitamin D.
Paggahin og daghang panahon sa gawas ubos sa silaw sa adlaw mao ang usa ka butang nga gilikayan sa North Americans tungod sa mga naandan nga kapeligro sa grabe nga sun exposure.
Apan ang mga eksperto nagingon nga kinahanglan nga mas maayo nga sabton ang mga risgo ug mga benepisyo sa adlaw.
Ang mga researcher sa Sweden niila nga mas taas ang kinabuhi niadtong tigbulad sa adlaw kay sa niadtong wa magbulad.
Busa, matod nila, angay nga susihon kini og maayo bisan kon dunay risgo sa skin cancer.
Matod ni Reinhold Vieth, scientific advisor sa non-profit Vitamin D Society ug propesor sa University of Toronto nga mas maayong obserbahan sa matag tawo kon unsay reaksyon sa panit sa pagkabuwad sa adlaw.
Matod niya nga mahimong di huwaton nga mamuwa ang panit samtang nagbulad.