Rafi mipirma og kasabutan uban sa 12 ka mga LGU

Katukoran sa 218 ka mga classroom

NAGPIRMAHAY og kasabutan ang Ramon Aboitiz Foundation Inc. (Rafi) ug 12 ka local government units (LGUs) sa lalawigan sa Sugbo alang sa pagpaayo ug pagtukod sa 218 ka mga classroom diin makabenepisyo ang gibanabanang 9,800 ka mga tinun-an.

Ang classroom naglakip niadtong mga tunghaan sa kalungsuran nga grabe naigo sa super typhoon Yolanda niadtong Nobiyembre 8.

Gawas sa mga pagtukod sa mga classroom, ang Rafi motabang usab sa mga LGU ug Department of Education sa pangagmhanan sa mga tunghaan.

“The challenge is not on fixing the school buildings anymore. What we need is to prepare the students so that they can compete,” nagkanayon si Rafi President Roberto Aboitiz, uban sa pagpadayag nga nagkinahanglan usab ang katukoran sa karakter, kamao, ug kaakohan sa mga estudyante.

Giawhag usab niya ang mga LGU nga magpabilin sa ilang kadasig sa pagpakig-alayon sa Rafining ilang proyekto.

Ang mga mayor ug mga representante sa mga kalungsuran sa Alcoy, Aloguinsan, Asturias, Bantayan, Barili, Borbon, Carcar, Naga, Madridejos, Samboan, San Remigio, Sibonga nipirmag lahilahing mga kasabutan sa Rafi alang sa P144 milyones nga school rehabilitation program (SRP) isip padayong saad sa paghatag sa mga kabataan sa tunghan sa luwas ug makadugang dapit aron silang makatarong sa pagtuon.

Nalatid sa kasabutan, nag ang 12 ka mga LGU gikatakda nga mohatag og pondo alang sa mga “manpower requirement” isip bugti sa rehabilitation sa mga tunghaan, lakip sa uban pang mga obligasyon.

Ang 12 ka mga LGU nisaad usab nga moasumir sa ilang responsibilidad alang sa aktwal nga implementasyon ug pagpahigayon gikan sa pagtukod ngadto sa pagka human, nagdto sa rehabilitation diin maoy nalatid sa kasabutan sa proyekto ug SRP.

Sa ilang bahin, ang RAFI nipasalig nga motabang sa mga LGU pinaagi sa paghatag og mga construction material base sa naaprobar nga trabaho, programa of works ug bill of materials.

Si Tuburan Mayor Democrito Diamante, maoy nangulo alang sa mga nangulo sa mga LGU, nipasalamat sa Rafi sa tabang sa pagpaayo ug pagtukod sa mga classroom sa ilang lungsod. Iyang gihangyo ang foundation nga tabangan ang iyang lungod aron molampos ang pagpatuman sa K-12 program sa 2016.

Sa samang kalihokan, gipasidunggan sa RAFI ang tulo ka mga lungsod sa aktibong partisipasyon sa gipasiugdahang SRP sa RAFI.

Ang kagamhanan sa Asturias, Tuburan ug Bantayan gipasidunggan human sa ilang pag-ayo sa mosobra sa 50 ka mga classroom sa Asturias ug Tuburan unya mosobra sa 100 ka mga classroom sa Bantayan nga naapektuhan sa super typhoon Yolanda.

“By having this recognition, we would like to show the public that these LGUs that are actually helping and are really prioritizing education by partnering with us in this endeavor, in this school rehab,” matod ni Anton Dignadice, Rafi Education Development Unit executive director.

Ang pasidungog gitumong sa pagpalangyab sa gihimo ug kontribusyon sa mga SRP partner sa Rafi ug pagpasig sa partisipasyon ug pakig-alayon sa mga lokal nga nahingtungdan sa proyekto sa foundation.

“In Rafi, one of our key attributes is collaboration. In everything that we do, including promoting education we always involve partners; we always try to engage the stakeholders. They are really a key element in the success of the project and so, we would like to recognize those partners who have actually helped us in ensuring the success of the project,” nagkanayon si Dignadice.

Matod niya nga ang pasidungog nagpasabot nga ang tulo ka mga lungsod nakig-alayon sa RAFI sa usa ka higayon ug nihatag silag “counterpart funding” alang SRP.