Vhong kuyaw balikan sa grupo ni Cedric Lee

Padayong hatagan og security personnel si Vhong Navarro sa PNP labi na karon nga nigawas na siya sa St. Luke’s Medical Center.

Si Vhong niangkon nga naa pa gihapon siyay trauma sa nahitabo ug mas kumportable siya kon dunay kapulisan nga kanunay magbantay sa iyang seguridad.

Ang TV host ni- check out na gahapon, Huwebes, duha ka semana human siya gitabangan og kulata sa grupo ni Cedric Lee sa condominium unit sa modelong si Deniece Cornejo sa Taguig.

Sul-ob ang iyang eyeglasses ug signature checkered polo ug karsones, si Navarro nihatag og mubo nga mensahe sa mga reporter ug fans nga nidumog niya gawas sa maong ospital.

“Maraming salamat sa lahat ng nagpapalakas ng loob ko. Marami pong salamat sa lahat ng nagdarasal sa akin. Thank you po talaga. Dahil ayaw ko lang maulit ito,” matod sa “It’s Showtime” host samtang gi-eskortan sa mga sakup sa Philippine National Police.

Gikan sa ospital, nidiretso si Navarro sa DOJ kauban ang iyang abogado nga si Alma Mallonga aron pormal nga ideklarar ang mga kasong serious physical injuries, grave threat, grave coercion, unlawful arrest, blackmail, and serious illegal detention batok sa grupo ni Lee ug Cornejo.

KINATAWO NI VHONG NAG-VIRAL?

Nagpatabang karon ang abogado ni Vhong Navarro sa NBI tungod sa giingong pagkatap sa “abused genitals” ni Navarro sa internet.

Buot ni Mallonga nga mailhan kon kinsay nag- upload sa maong video o litrato. Wa niya gisalindot nga duda siya sa authenticity niini apan bisan pa man matod niya “it’s a “continuing humiliation na gustong gawin kay Vhong.”

“Whether or not it is true, people look at it and they think it’s true. I cannot confirm one way or another. Ang aking request nalang siguro sa ating mga kaibigan, huwag na nating patulan at huwag niyo nang i-share siguro dahil wala siyang katuturan,” hangyo ni Mallonga sa TV Patrol.

Sa unang interview sa “Buzz ng Bayan,” si Vhong nitug-an sa host, Boy Abunda nga gibinaboy sa grupo ni Lee ang iyang kinatawo ug gikuhaan pa og video. Apan si Lee sa interview sa DZMM kusganong ni- deny sa alegasyon ni Navarro. “Walang gumagalaw sa kanya. Lalaki po kami. Bakit namin gagalawin organ niya? ‘Yun ang gusto niyang palabasin.”