P30 MILYON NATIGOM ALANG SA TEMPLETE NI CALUNGSOD
PASIUNANG P30 milyones ang natigom sa Archdiocese sa Sugbo nga donasyon alang sa katukoran sa Templete ni Blessed Pedro Calungsod sa South Road Properties (SRP) sa dakbayan sa Sugbo.
Ang maong kantidad gikan sa lokal nga donasyon samtang nagpadayon usab ang mga hinabang gikan sa gawas sa nasod.
Ang Templete maoy sa sa pagpangandam sa national thanksgving mass nga ipahigayon sa dapit human sa knonisasyon ni Beato Pedro Calungsod ngadto sa hingpit santos karong Oktubre ning tuiga didto sa Vatican, Rome.
Samtang, nalangay og usa ka semana ang gikatakdang pagtukod sa Templete ni Calungsod sa SRP busa paspas ang ilang pagtrabaho nga pagsugod sa trabaho sa miaging semanaha.
Si Fr. Raul Gallego, in-charge sa construction site, nitug-an sa mga tigbalita nga nalangan ang construction gumikan sa
UMAABOT TEMPLETE NI CALUNGSOD SA SRP
kakuwang sa mga materyales.
Si architect Ramon Vio nagkanayon nga gitinguha nila karon ang pagpalusot sa daghang mga papelis nga gikinahanglan sama sa mga permit aron nga gikinahanglan sa construction.
Dugang ni Gallego nga gisugdan na usab og trabaho sa SM Prime Holding Inc. ang road network sa palibot sa Templete.
Gitug-an ni Gallego nga pulos inutang ang mga materyales nga kasamtangan nila karong gigamit sa construction sa Templete gikan sa mga supplier.
Matod pa niya nga moabot ngadto sa P6 milyones ang gahin alang sa pagpabarog sa simbahan alang ni Calungsod nga gitukod sa 700 square meter sa SRP.
Giawhag sab niya ang mga residente ug tumutuo sa Simbahang Katolika sa pagdonar og mga materiyales alang sa padayon nga construction sa Templete.
Labaw nilang gikinahanglan karon mao ang kabilya, bas, graba, semento, filling materials ug uban pa.
Hinuon, gitinguha sa mga organizer nga mahuman ang Templete ni Calungsod karong Oktubre sa di pa ipahigayon ang national thankgiving mass karong buwan sa Nobiyembre ning tuiga.