Holiday alang ni Dolphy
Puwerte nang daghana nga holiday nga atong
gi- observe. Dili baya maayo ning daghang holidays. Tinuod, daghan ang malipay labi pa ang mga empliyado sa gobiyerno og pipila sa pribadong sekyor kau makakobra man og holiday
pay.
ADUNAY sugyot balaodnon karon sa Ubos Balay Balauranan nga himong special non-working holiday ang Hulyo 11, adlaw nga namatay ang King of Comedy nga si Dolphy. Tawgon kini nga National Fun Day. Kini isip pahinungod ni Dolphy sa iyang natampu sa pelikulang Pilipino diin nahimo siyang artista sulod sa pipila ka dekada diin na-ila siya nga King of Comedy. Kining maong sugyot balaodnon gipangamahanan ni Samar Congressman Ben Evardone.
Ambot og unsay nasulod sa ulo aning Kong. Evardone. Bright man unta ni siya. Kon wala ako masayop siya ba to ang secretary general sa Lakas-Kampi Party ni kanhi Presidente Gloria Macapagal Arroyo. Pero mora man og hinanggaw ning iyang plano. Mo-angkon ko nga fan ko kaayo ni Dolphy. Apan igo na ang paghatag kaniya og pasidungog isip national artist og dili na kinahanglan pa nga modeklarar og usa ka adlaw nga non-working holiday alang kaniya.
UBANG BAYANI
Gawas nila ni Dr. Jose Rizal, Andres Bonifacio og Ninoy Aquino nga gihatagan og holiday atol sa adlaw sa ilang kamatayon og pagkatawo, ang ubang mga bayani nga mi-ula sa ilang mga dugo og mihalad sa ilang kinabuhi tungod og alang sa pagpalanipod sa nasud batok sa mga banyaga nga misakop kanato, wala man gani hatagi og pasidungog og holiday.
Mas dako og natampu ang atong mga Bisaya nga mga bayani sama nila ni Antonio Villegas nga naila sa nom de guerre nga Leon Kilat ug ang Bol-anong si Francisco Dagohoy. Sila si Apolinario Mabini ug Juan ug Antonio Luna. Lahi ang natampu ni Dolphy. Para nako okey na nang pasidungog. Kon buhi pa to si Dolphy, bisan siya dili mosugot.
DAGHAN NANG HOLIDAY
Puwerte nang daghana nga holiday nga atong gi- observe. Dili baya maayo ning daghang holidays. Tinuod, daghan ang malipay labi pa ang mga empliyado sa gobiyerno ug pipila sa pribadong sekyor kay makakobra man og holiday pay. Pero ang kadtong no
work, no pay nga mga empleyado. Walay suweldo. Yabo ang bugasan. Unya ang ubang kompaniya, madelatar man usab ang production kay mag- holiday man ang mga empleyado. Insakto na ning atong mga holi
days karon.