12-anyos naligo sa Abellana pool, gitabang
SUWERTE ang 12-anyos nga batang babaye nga natabang human hapit nalumos sa swimming pool sa Cebu City Sports Complex (CCSC) sa dakbayan sa Sugbo, alas 12:00 sa udto kagahapon.
Si Joverlyn Codilla, 12, taga Barangay Day-as, dakbayan sa Sugbo pabiling gimonitor sa mga doktor sa St. Vincent Hospital nga duol lang sa CCSC human siya nadali sa pagluwas
Si PO1 Jelou DescatAmento sa Police Station 2 nga nahinabi sa Sun.Star Superba
lita, nagkanayon nga ang biktima nangaligo sa swimming pool uban sa iyang igsuon nga si Junel, 14, ug silingan nga si Lea Opurto, 25.
Nagubot ang pagpangaligo human nabantayan sa lifeguard nga si Jeffrey Yana, nga dunay milutaw’ng bata hinungdan nga dali niining gitabang ug giaplayan sa cardiopulmonary resuscitation (CPR).
Human niini, ang mga sakop sa Emergency Rescue Unit Foundation (Eruf) daling nidala sa biktima sa St. Vincent Hospital og lugwas na ang biktima kinsa ang baga nasudlag tubig.
Matud ni PO1 Descatamento, nga unom ka tiil ang gilawmon sa swimming nga maoy nalumsan sa biktima, dihang nakuha nga unconscious na apan gi-swerte kay nakasuka dihang gitabang.
Giklaro hinuon niini nga makahibalo molangoy ang bata apan disgrasya lang ang nahitabo.
Usa ka John Paul, 11, kinsa nakakita sa hitabo nipadayag nga si Codilla niadto sa dakong swimming nga gidili sa mga bata.
Gibutyag sa bata nga niambak ang biktima sa swimming pool human ang iyang swimming cap hagbong.