BANTA NG KAHIRAPAN
Ano nga ba ang nagiging sanhi o problema ng mga batang hindi nakakasabay sa mga leksyong itinuturo ng guro sa silid-aralan?
Saganang akin,napakalaki ng responsibilidad ng bawat magulang sa kanilang mga anak.Sa kadahilanang ang mga magulang ang nagsisilbing pinakaunang guro na kanilang mga anak.Mula ito sa pagtuturo sa pagsulat ng pangalan hanggang sa mga gawaing bahay na kailagang sagutin ng kanilang mga anak.Kinakailangang ang responsibilidad na ito ay hindi dapat kalimutan ng mga magulang .Bagkus mas kinakailangan pa nilang gabayan sa pag-aaral araw-araw ang kanilang mga anak.
Hindi rin nagwawakas ang responsibilidad ng isang magulang sa pagbibigay nila ng baon at ng mga material na bagay na kailangan nila bagkus ang mas kailangan nila ay ang wastong paggabay nila rito.Ang mga magulang din dapat ang siyang magsilbing ehemplo sa kanilang mga anak.Aminin man natin at hindi may mga ibang magulang na nagiging pabaya sa kanilang mga anak.Nawawalan sila ng oras o panahon sa pag-aasikaso sa kanila.Kahirapan ang isa sa idinadaing ng ibang mga magulang kung kaya’t imbesna ang oras nila ay nakatutok sa paggabay sa pag-aaral o pagtuturo ng kanilang mga anak ito ay nailalaan sa pagtatrabaho upang magkaroon sila ng mapagkukuhanan ng panggastos at pagtustos sa mga kailangan sa bahay.
Isama pa natin dito ang madalas na pagliban ng kanilang mga anak dahil sa kadahilanang ang iba ang nagbabantay sa kanilang mga maliliit na kapatid,ang iba naman ay nauutusang “mangalakal” upang may maiabot na pambili ng makakain at maipambaon.Bukod pa dito may mga bata rin nagpapakita ng kakulangan sa pagkain kung kaya’t minsan ito rin ang nagiging sanhi ng hindi nya pagkatuto sa mga aralin.Dahil narin ito sa kakawalan ng magulang ng dahil sa kahirapan.Ganito na nga ba kahirap ang ating lipunan na pati ang mga bata na dapat na maging pagasa ng bayan ay napipilitang magbanat ng buto?
Hanggat may nakakaranas ng kahipan sa buhay,asahan natin na may mga batang lilitaw na di makakasabay sa kanilang pag-aaral .Maging responsible sana ang mga magulang sa kung ano ang pinakakailangan ng kanilang mga anak.
— oOo—
Teacher III of San Jose Panlumacan Integrated School