BATANG BADLONGON
Sa usa ka pribado nga eskwelahan sa Butuan, naay usa ka bata nga badlongon. Ang iyahang mga grado nagsunod:
Matematika: 65%
Ingles: 65%
Siyensiya: 75%
Aralin Panlipunan: 65%
Gidala siya sa pang-publikong eskwelahan, ang iyahang grado nagsunod:
Matematika: 65%
Ingles: 65%
Siyensiya: 65%
Aralin Panlipunan: 70%
Naguol na ang iyahang ginikanan og gisulod siya sa usa ka Katolikong eskwelahan nga panag-iya sa mga madre, maski dili sila Katoliko. Paghuman sa usa ka termino, ang grado niya nagsunod:
Matematika: 85%
Ingles: 90%
Siyensiya: 90%
Aralin Panlipunan: 90%
Natingala iyahang ginikanan og gipangutana siya nganong nagtarong naman siya og eskwela.
Victor: Pagkakita nako nga naa silay mga gipanglansang sa krus kada klasehanan, nahadlok na ko magpabadlong dinhi. Basig ilansang pud nila ko sa krus.
Sr. Esther: Ang pagkahadlok sa Ginoo maoy sinugdan sa kaalam.
-o0oKulas:
Abi nimog magdungan gani tag pangaon, ganahan kaayo ko. Tikla: Nganong ganahan ka man, Las, tungod ba kay sweet kayo ko nimo /
Kulas: Dili baya.
Tikla: Unsa man diay?
Kulas: Lami man god ka pirmeg sudan !
-o0oAmo:
Inday, asa ka man padulong? Inday : Mamisbis ko sa mga tanom sa gawas, Sir.
Amo: Ha ? Gauwan man!
Inday: Problema diay na, Sir? Pwede ra man ko magpadayong!
-o0oTatay:
Dong, sak-a ang sikokarabaw... hikapa kon hinog na ba ! Anak: ( misaka ) Tay, hinog na. Tatay : Na hala, kanaog na diha kay atong kuhiton!
-o0oSea of Galilee...
Tourist : Pilay plete sa Bangka tabok sa pikas?
Bangkero : 100, sir.
Tourist : Kamahal, mao diayng naglakaw na lang si Kristo sa tubig!
-o0oSa
Balamban naay magtiayon nga niadto sa ospital kay manganakay na ang babaye. Gitan-aw sa doktor ang babaye og nisulti nga murag lisud ni paanakan.
Doc Rico: Kining iyahang pagkabuntis, lisod ni. Sakit kaayo sa inahang ang pagpa-anak, pero naa dinhi ang usa ka bag-o nga aparato nga puwede ibahin sa amahan ang kasakit. Hinay-hinay ra nato ang pagbahin sa kasakit sa imoha gikan sa imohang asawa. Isaka ra nato ang porsyento hangtod sa imohang makaya.
Kristopher: Sige dok. Testingon nato.
Pagsugod nila, murag wala lang man sa amahan. Gisaka sa doktor ang kasakit nga mabahin sa amahan gikan sa 20% hangtod niabot og 100%. Murag wala ra man nasakitan ang bana, hangtod nahuman og panganak iyahang asawa.
Human og tulo ka adlaw, ni-uli na ang magtiayon sa ilaha dala ang ilahang bag-ong anak. Sa sunod na adlaw nadunggan ra ni Kristopher nga namatay na diay ang iyahang kumpare nga si Renato kadto pang niaging lima ka adlaw. Sulti sa mga silingan nga murag nakulam daw si Renato kay nag sige og singgit na sakit kaayong iyahang nabati hangtod namatay.
ANTHONY LOCSIN DAVAO CITY