Mirror Of Fortune

( ANG INYONG KAPALARAN SA OKTUBRE 1-15, 2019)

PISCES – (Pebrero 20 – Marso 20) – Niining mga semanaha mopakitag maayong taras ang imong ugangan. Angay mong sabton nga dugangan pa ang imong pagpanglimbasog aron makabarog ka na sa kaugalingon mong pamilya. Dunggon na ang imong pag-ampo. Maanod ka sa paghagwaay. Suwerte mong adlaw ang Huybes ug palaran mong numero ang 8, 2, 6. ARIES – (Marso 21 – Abril 20) – Mahanaw na ang samokang kapuol sa imong hunahuna. Madasigon ka nang motrabaho aron mapalit na ang imong gikaibgang butang. Pangayoan kag tambag sa imong manghod. Mosamot ang pagsandurotay sa pamilya. Matagbawon ang romansa. Biyernes ang suwerte mong adlaw ug 2, 9, 6 ang palaran mong numero. TAURUS – (Abril 21 – Mayo 21) – Niining mga semanaha matukmaan mo ang kalamposan nga wa damha. Makahigayon ka na pagtabang sa imong igsoon. Magmalamposon siya sa iyang pagtuon. Dako na unya siyag ikatabang sa inyong pamilya. Masabtan mo ang aghat sa kidhat. Suwerte mong adlaw ang Sabado ug palaran mong numero ang 4, 8, 1. GEMINI – (Mayo 22 – Hunyo 21) – Makahulat pa ang imong pailob. Magpabilin kang kalma bisan sa masamok nga sitwasyon. Timan-an mo ang gitudlo sa imong inahan. Di ka malimot pagsangpit sa Ginoo. Ipadayon ang imong pagpaningkamot. Maaghaton ang mga gutling. Martes ang suwerte mong adlaw ug 3, 7, 5 ang palaran mong numero. CANCER – (Hunyo 22 – Hulyo 22) – Niining mga semanaha kanunay kang magbasa aron mabaid ang imong salabotan. Mogahin kag panahon sa simbahan. Alingahon mo ang nataligam-ang buluhaton. Mogaan ang pamatyag sa imong lawas. Makadimdim kag talagsaong romansa. Suwerte mong adlaw ang Domingo ug palaran mong numero ang 2, 6, 4. CAPRICORN – (Disyembre 22 – Enero 21) – Niining mga semanaha mokusog ang order sa bag-o mong produkto. Paningkamotan mong mokusog usab ang produksiyon aron mahimuot ang imong mga kostumer. Mohatag ka nag regular nga donasyon sa simbahan. Dugosnon ang romansa. Suwerte mong adlaw ang Domingo ug palaran mong numero ang 3, 4, 8. LEO – (Hulyo 23 – Agosto 23) – Daghan ang malipay sa ipakanaog mong desisyon. Maghatag kinig kaangayan sa katawhan. Angay lang nga usbon ang dagan sa liderato aron molambo ang grupo. Magpabilin kang aktibo sa kalihokang relihiyoso. Kusog modani ang pahiyom. Huybes ang suwerte mong adlaw ug 9, 1, 5 ang palaran mong numero. VIRGO – (Agosto 24 – Septiyembre 23) – Niining semanaha magnunotay ang kakugi ug kadasig. Seguradong maapil ka sa listahan sa ma- promote. Dugangan pa ang pagsalig sa imong kaugalingon. Motaas ang lebel sa imong enerhiya. Makahibalag kag binuhat nga mounong kanimo. Suwerte mong adlaw ang Lunes ug palaran mong numero ang 2, 4, 3. LIBRA – (Septiyembre 24 – Oktubre 23) – Makapandol kag kabulahanan sa imong pagpanimpalad. Daghan ang malipay sa imong ipanghatag nga hinabang. Makapadasig og samot kanimo ang ilang pagpasalamat. Maengganyo ka sa pagsulod sa negosyo. Makapagilok ang dalit sa hapuhap. Martes ang suwerte mong adlaw ug 5, 7, 6 ang palaran mong numero. SAGITTARIUS – (Nobiyembre 23 – Disyembre 21) – Di ka magbasol sa pagsunod sa gitambag sa imong suod nga higala. Dako kinig gikatabang sa pagsulbad sa imong problema. Makabayad ka na sa imong mga utang. Makamatngon ka na sa nahimo mong sayop. Kusog ang imong karisma. Sabado ang suwerte mong adlaw ug 1, 5, 2 ang palaran mong numero. SCORPIO – (Oktubre 24 – Nobiyembre 22) – Niining mga semanaha makahakgom kag daghang pagtulun-an sa tambongan mong seminar. Ipaambit mo sa uban ang imong nakatonan. Daghan ang moawat sa imong diskarte. Daghan ang mahimong abot sa imong umahan. Mainit ang romansa. Suwerte mong adlaw ang Biyernes ug palaran mong numero ang 3, 9, 4. AQUARIUS – (Enero 22 – Pebrero 19) – Madugangan ang imong kadasig sa pagtrabaho. Kinahanglan nga makasalbo ang imong kinitaan sa adlaw-adlaw nga panginahanglan. Dawaton mo na ang gitanyag nga ekstrang trabaho. Di ka makabalibad sa aghat sa parayeg. Miyerkoles ang suwerte mong adlaw ug 7, 5, 3 ang palaran mong numero.