Keanna Reeves,
Nangandoy Nga Makakuha og Acting Award
KAKINSE na ka tuig karon ni Keanna Reeves sa kalibotan sa showbusiness. Sukad siya magsugod sa pag-artista, nahimong mabulokon ug puno sa intriga ang iyang kinabuhi. Matod sa Sugboanong aktres, ang iyang screen name naggikan sa kanhi niya talent manager nga si Richard Hinola, kinsa mao usay discoverer ni Keanna. Kaniadto man god nga nagsugod pa lang siya sa showbiz sa tuig 2004, maoy usay pagsikat sa artista sa Hollywood nga si Keanu Reeves. Sa maong ngalan gihaon ang screen name ni Keanna.
Gawas sa pagka mag-aawit ug komedyante, misulod sab siya sa negosyo. Partikular nga gihatagan karon og atensiyon ni Keanna ang construction business, nga maayo usab kaayo og kita. Sa pagkakaron, hinay-hinay nga miaktibo na usab ang aktres sa
showbiz. Aduna siyay duha ka indie film nga gitakdang himoon ug apil sab siya sa bag-ong teleserye sa ABS-CBN. Sa pagkakaron, masaksihan na nato si Keanna sa Kapamilya TV series nga “The Killer Bride” nga gibidahan usab ni Maja Salvador. Kining maong serye gisalmotan usab nilang Geoff Eigenmann, Janella Salvador, Joshua Garcia, ug uban pa. Ubos kini sa pagdumala ni Direk Dado Lumibao. Niining maong serye, maoy gidala ni Keanna ang papel isip nanay ni Joshua.
Sa pelikula usab, usa siya sa mga bituon sa proyektong “Nabulag ang Buwan sa Init ng Araw” nga usa ka dramedy. Kauban niya dinhi sila si Jhane Santiaguel, Dante Salamat, Jayve Diaz, Romm Burlat, Jay-R Ramos, ug Sarsi Emmanuel. Kauban usab si Keanna sa pelikulang “Nang Minsang Lumingon ang Bukas” uban nila ni Jao Mapa, Brent Charlss, Jayve Diaz, Nicole Dichoso, Kenn Barrica, Jethro Ramirez, ug uban pa. Kining maong duha ka indie film managsamang gidumala ni Direk Romm Burlat.
Gipadayag sa aktres ang labihang kalipay sa subling pag-aktibo sa iyang karera sa showbiz. “Siyempre, masaya ako, kahit sino naman kapag may darating na blessing, masaya talaga, hindi ba?” butyag sa aktres. Esplikar pa niya, “Ang sa akin naman kasi, showbiz or nonshowbiz ay nagpapasalamat ako kay Lord kung ano ang darating na grasya sa akin. Habang wala pa akong project sa showbiz, nasa construction business din naman ako, kaya relax lang ako at pray lang.” Nahisgotan sab ni Keanna ang wish pa niyang mahitabo sa iyang karera sa showbiz. “Sa palagay ko naman, ang ano naman na para sa akin, na-achieve ko naman ‘yung gusto kong mangyari. Na kung nandito man ako sa showbiz ngayon, bale hindi na kagaya noong nag-start pa lang ako na jina-judge ng mga tao. At least nalagpasan ko ‘yon… So, tuloy-tuloy naman, nandito na ‘yung pangalan ko, eh…”
Gipanghimug-atan sa aktres kon unsa kamahinungdanon kaniya ang karera niya karon ug ang butang nga iyang gipangandoy sa dili pa siya moretiro sa pag-artista, inig-abot sa panahon.
“Ang sa akin lang, lahat naman ng artista ay gustong magkaaward. So, iyon lang naman, eh, para bago ka man lang mag-retire ay makatikim ka ng ganoon, hindi ba? Itong showbiz kasi, parang karugtong na ng buhay ko, kaya kahit saan ako magpunta, ibinabalik ako, eh,” malipayong sulti ni Keanna.