Mirror Of Fortune
( ANG INYONG KAPALARAN SA SEPTIYEMBRE 16-30, 2019)
PISCES – (Pebrero 20 – Marso 20) – Motumaw lag kalit sa imong panumdoman ang masakit nga kasinatian nga imong nahiagoman. Di ka magpadala sa imong kahuyang. Salig lamang og maayo sa Ginoo. Ayaw kalimot sa pag-ampo kanunay. Molagsik ka human sa dula sa kama. Biyernes ang suwerte mong adlaw ug 2, 5, 7 ang palaran mong numero. ARIES – (Marso 21 – Abril 20) – Niining semanaha angay pang lugwayan ang imong pasensiya. Di mo makuha ang tibuok suporta sa imong kaubanan. Kinahanglan pa ang dugang nga pagpasabot kanila. Modiskarte ka aron molampos. Mopiyong kas tumang kalalim. Suwerte mong adlaw ang Domingo ug palaran mong numero ang 3, 4, 6. TAURUS – (Abril 21 – Mayo 21) – Makaseguro ka sa kaseryoso sa imong suod nga higala. Makasalig ka bisan pag sekreto ang imong ibutyag ngadto kaniya. Maagni kang mokuyog sa pagsangyaw sa Maayong Balita. Magmalaomon ka kanunay. Masabtan mo ang pasiplat. Martes ang suwerte mong adlaw ug 7, 5, 3 ang palaran mong numero. GEMINI – (Mayo 22 – Hunyo 21) – Niining semanaha makahagdaw kag balita nga makapahimuot kanimo. Moluag na ang naghuot mong dughan. Usbawan na ang imong suweldo. Hatagan mog prayoridad ang mga buluhaton sa simbahan. Makabuylo ka sa pagpakigdungan sa partner. Suwerte mong adlaw ang Lunes ug palaran mong numero ang 1, 3, 4. CANCER – (Hunyo 22 – Hulyo 22) – Hatagan mo nag atensiyon ang imong pagtuon. Molikay ka na sa pagkuyog sa imong barkada. Molikay ka na sa pagkuyog sa imong barkada. Moapil kag kalihokan sa simbahan. Sundon mo na ang tambag sa imong inahan. Makab-ot mo ang imong ambisyon. Maaghaton ang kidhat. Huybes ang suwerte mong adlaw ug 6, 2, 5 ang palaran mong numero. CAPRICORN – (Disyembre 22 – Enero 21) – Makalugar ka nang magrelaks human sa daghang trabaho. Kinahanglan nga mohanggab kag preskong hangin. Motaas ang lebel sa imong kadasig sa pagpanukiduki. Malalangon ang imong imahinasyon. Manguma ka dungan sa paghangos. Martes ang suwerte mong adlaw ug 9, 2, 1 ang palaran mong numero. LEO – (Hulyo 23 – Agosto 23) – Niining mga semanaha makamatngon ka na sa nahimo mong kasaypanan. Hingpit na ang imong desisyon nga mag-usab ka na sa imong hiwing batasan. Dupot ka nang magtrabaho alang sa maayong kaugmaon. Pahinuntan mo ang aghat sa kahidlaw. Suwerte mong adlaw ang Lunes ug palaran mong numero ang 4, 1, 8. VIRGO – (Agosto 24 – Septiyembre 23) – Kapahimuslan mog maayo ang abot sa imong kahago. Doblehon mo pa ang imong kakugi aron di ka maglisod sa panginahanglan sa adlawadlaw. Hatagan mog asaynment sa trabahoon ang imong mga anak. Maagnihon ang pahiyom. Biyernes ang suwerte mong adlaw ug 2, 5, 6 ang palaran mong numero. LIBRA – (Septiyembre 24 – Oktubre 23) – Niining semanaha daghan kag matapos nga trabaho. Gikinahanglan mo pang mahanas sa bag-o mong trabaho. Makab-ot mo ra ang imong gipangandoy. Di makawang ang imong pagpanglimbasog. Mohangos ka pagkab-ot sa himaya. Suwerte mong adlaw ang Miyerkoles ug palaran mong numero ang 3, 5, 9. SAGITTARIUS – (Nobiyembre 23 – Disyembre 21) – Niining semanaha makadawat kag abiso nga mahinayon na ang imong pagbiyahe sa abroad. Matuman na ang gitinguha nga mausab na ang kahimtang sa imong kinabuhi. Mohatag kag hinabang sa simbahan. Masabtan mo ang pamarayeg. Suwerte mong adlaw ang Huybes ug palaran mong numero ang 1, 8, 5. SCORPIO – (Oktubre 24 – Nobiyembre 22) – Maagwanta mo ra ang kalisod sa gisudlan mong trabaho. Maanad ka ra sa imong kaakohan. Adunay motabang kanimo nga tun-an ka sa imong mga gimbuhaton. Lugwayan pa ang pailob kay makalingkawas ka ra sa kalisod. Mainit ang romansa. Domingo ang suwerte mong adlaw ug 6, 2, 4 ang palaran mong numero. AQUARIUS – (Enero 22 – Pebrero 19) – Niining semanaha matugkad mo na ang hinungdan sa imong pagsalimuang. Sundon mo lang ang tambag sa doktor. Di mo palabian ang imong paghago. Masulbad ra ang imong suliran sa kinabuhi. Makasinati kag lahing katagbaw. Suwerte mong adlaw ang Sabado ug palaran mong numero ang 8, 6, 4.