KRIS BERNAL
Way Kahingawa sa Love Scene Nila ni Jake Cuenca
NASAYRAN nga dunay love scene between Kris Bernal ug Jake Cuenca sa umaabot nilang pelikulang “Kontradisyon.” Giangkon sa aktres nga naghiwasa siya pagkasayod nga dunay mahitabong dinumogay sa kama tali nilang duha.
“Kinakabahan nga ako, eh. Feel ko ano, eh, feel ko masastarstruck ako… Though friends naman kami ni Jake, pero kasi alam ko kung gaano kagaling si Jake, eh. As an actor, alam ko kung gaano siya ka-serious sa craft niya,” tug-an niya sa dihang gikahinabi ning tagsulat.
Nagalaom si Ms. Bernal nga ang love scene nila ni Mr. Cuenca ma- take one ra. Kay iyang paningkamotan nga dili siya masayop sa higayon nga himoon na nila ang maong intimate scenes.
Mibelib si Director Njel De Mesa kang Kris nga gihatag niini ang maayong pagdala sa papel sa usa ka batan-ong babaye nga kusog mohithit og marijuana.
“There’s this one sequence that we shot the other day. Bugnutin siya, inaantok then papasok siya sa banyo, todo iyak siya. Tapos lalabas siya, masaya na siya kasi naka-chongki (marijuana) na siya! One sequence, three emotions: Kris Bernal,” maoy butyag ni Direk Njel.
Wala magduhaduha ang dalaga pagdawat dihang gioperan siya sa maong papel bisan pa og bad influence siya sa katilingban, labi na kay iyang hatagan og kinabuhi ang usa ka karakter nga nahilambigit sa pagpayuhot og droga dinhi sa Pilipinas.
Wala siya masayod kon andam ba ang mga tawo ug madawat ang iyang karakter. Dili lang sa mga esena pagpayuhot sa droga apan apil na ang mga love scene ug sexy scene. Gani, duna may mga higayon nga magsul-ob lang siyag lingerie. Ug naa pay esena nga magdagan-dagan siya nga nag- bra ug pants ra ug gamay na lay kuwang makita na ang iyang kalag. Ewww!
Bitaw. Nahadlok man tuod si Kris nga moreak ang mga tawo kon makatan-aw sa maong pelikula apan malaomon siya nga masabtan ra nila ang iyang paningkamot nga maugmad ang iyang craft sa pag-arte ug isip usa ka artista. Kay dako niyang pangandoy nga mailhan siya nga usa ka versatile actress ug dili mopili og karakter nga dalhon.—