Bataan at Pasay, kumikig sa MPBL playoffs
NAISALBA ng 1Bataan-Camaya Coast ang matikas na pakikihamok ng Bicol-LCC Stores, 76-72, nitong Miyerkoles para buhayin ang kampanya na makahirit ng playoff sa susunod na round ng Chooks-to-Go/ MPBL Lakan Season sa Bataan People’s Center.
Dumikit ang Volcanoes sa 72-74 may 26 segundoa ng nalalabi, ngunit nagpakatatag ang Risers sa krusyal na sandali, tampok ang split free throw nina Achie Ingo at Ryan Batino para maselyuhan ang ikatlong sunod na panalo at mahila ang karta sa 17-9 sa North division.
Nanguna si Batino na may 18 puntos at 13 rebounds para makuha ng Camaya Coast-backed Risers ang No.5 spot sa division.
Ang top four team ay mabibigyan ng homecourt edge sa playoffs.
Nag-ambag sina Chito Jaime, James Castro, at Byron Villarias ng tig-10 puntos sa Risers.
Pinangunahan ang Volcanoes, suportado ng LCC Malls, ni Hafer Mondragon na may 16 puntos, habang tumipa sina Ronjay Buenafe at Alwyn Alday ng 14 at 12 puntos, ayon sa pagkakasunod.
Nauna rito, ginapi ng Pasay Voyagers ang Bacolod Master’s Sardines, 61-50.
Ratsada si hot-shooting Jaypee Belencion na may 15 puntos mula sa 3-of-3 sa hree-point zone at 3 of 4 sa hort-range.
Umakyat ang Pasay sa 14-12 karta, sa likod ng Pasig Sta. Lucia at Caloocan (14-11).
Sinalanta naman ng Nueva Ecija Rice Vanguards ang Quezon City Capitals, 92-74.
Hataw ang ‘Twin Towers’ na sina Justin Arana na may 19 puntos at 11 rebound, at Maclean Sabellina, na may 13 puntos at walong rebound, sa Rice Vanguards.
Iskor:
(Unang Laro)
Pasay (61) – Belencion 15, Lastimosa 13, Opiso 11, Moradas 11, Reverente 7, Inigo 2, Jamon 2, Hilario 0, Chan 0, de Villa 0, Ilagan 0
Bacolod-Master Sardines (50) –
Adamos 9, Javelona 8, Camacho 7, Villahermosa 7, Tansingco 5, Haruna 5, Gayosa 3, Charcos 3, Canada 3.
Quarterscores: 13-15, 29-31, 48-33, 61-50
(Ikalawang Laro)
Nueva Ecija (92) – Arana 19, Sabellina 13, J. Reyes 12, Martinez 9, Gonzaga 8, Monte 5, Celada 3, G. Reyes 3, Gotam 2, Tadeo 2, De Leon 0
Quezon City-WEMSAP (74) – Mabayo 23, Olayon 20, Tayongtong 13, Castro 8, Medina 6, Derige 2, Gaydon 2, Santiago 0, Olea 0, Sison 0, Atabay 0, Barua 0
Quarterscores: 23-12, 50-25, 69-53, 92-74
(Ikatlong Laro) 1Bataan-Camaya Coast (76) – Batino 18, Jaime 10, Villarias 10, Castro 10, Jumao-as 8, Inigo 7, Juntilla 6, Gallardo 6, Gozum 1, Cudal 0, Llanto 0
Bicol-LCC Stores (72) – Mondragon 16, Buenafe 14, Alday 12, Garcia 8, Guerrero 7, Lalata 7, Aldave 5, Gusi 3, Alfonso 0, Manalang 0
Quarterscores: 23-22, 28-32, 58-55, 76-72