Credit assistance para sa 2,796 na benepisyaryo ng DAR

SIGURADO

na ang nasa 2,796 na agrarian reform beneficiaries (RB) sa rehiyon ng Caraga para sa credit and insurance program assistance, sa ilalim ng Agrarian Production Credit Program (APCP) ng pamahalaan.

Ibinahagi ang P5.1 milyong halaga ng credit assistance sa 24 na agrarian reform beneficiary organizations (ARBOs) sa Agusan del Norte, Agusan del Sur, Surigai del Norte, at Surigao del Sur.

Ito ang iniulat ni DAR Assistant Regional Director Daylinda Narisma sa 2018 mid-year performance review and planning session ng ahensiya, na idinaos sa Tagaytay City nitong Huwebes.

“The credit assistance is being utilized by the farmer-beneficiaries for land preparation and farm cultivation including seeds, fertilizer and other expenses until they are able to harvest their produce,” pahayag ni Narisma.

Layunin ng APCP na makapagbigay ng tulong na pautang sa mga agrarian reform beneficiaries o sa mga pamilya ng ARB sa pamamagitan ng mga organisasyon, tulad ng ARBOs o iba pang paraan na hindi nabibigyan ng pagkakataon na makautang sa ibang mga lending institution, layon ng proyekto na ito na suportahan ang mga indibiduwal na magsasaka o maging ang communal crop production.

Idinagdag din ni Narisma na bukod sa pautang para masuportahan ang produksiyon ng mga pananim, tinitiyak rin ng APCP ang matatag na produksiyon ng mga pananim at pagtaas ng kita ng mga miyembro ng ARB, kasabay ng pagpapatatag sa ARBOs. Hangad din ng proyekto na maiangat ang kapabilidad ng ARBs sa pamamagitan ng probisyon ng institutional capability building activities.

Ang Agrarian Production Credit Program (APCP) ay isang pinagsamang credit at capability development project ng Department of Agriculture, Department of Agrarian Reform at ng Land Bank of the Philippines na layuning magbigay ng tulong na pautang sa mga samahan ng mga magsasaka at ARBs na hindi kuwalipikado na makakuha sa financing program ng LBP.

Ayon kay DAR Public Assistance and Media Relations Service (PAMRS), Director Resty Osias, isinagawa ang DAR performance review and planning session nitong Hulyo 24-27, para masolusyunan at matugunan ang mga problema sa implementasyon ng agrarian reform.