Den nye byar
Jan Tore Helle (50) er tilsett som ny byarkivar i Bergen kommune.
Han er storvokst, den nye byarkivaren i Bergen. Karen ragar
190 centimeter over golvet i dei gamle ølhallane til Hansa på Kalfaret. Så har han og vore handballkeeper, både heime i Førde og på Vadmyra.
Han er den andre byarkivaren i Bergens historie, etter Arne Skivenes. Skivenes gjekk av i haust, etter over 40 år i stillinga. Han bygde opp byarkivet, frå ingenting til ein organisasjon på
70 menneske.
–Korleis skal det gå når ein sunnfjording skal styra byarkivet i Bergen?
– Det trur eg skal gå bra, sunnfjordingar kjem tradisjonelt godt overeins med bergensarar. Historisk var mange sunnfjordingar ammer og politifolk i Bergen. Eg trur min styrke er at eg har god kunnskap om data og om arkiv. Og eg vil prøva å byggja vidare på det engasjerte og kompetente miljøet som er her.
Jan Tore Helle flytta til Bergen då han byrja i Marinen. Han var stasjonert på Haakonsvern og var på ubåt. Sidan vart det studiar på Universitetet i Bergen. Hovudfagsoppgåva i historie skreiv han om innføringa av formannskapslovene sett frå embetsmannsverket si side. No bur 50-åringen i eit gammalt kapteinshus på Ny-Paradis, med kone, to tvillingsonar på seks år og dachsen «Herman».
– Kva planar har du for Bergen byarkiv?
–Vi er no det største arkivet i Norge, utanom Riksarkivet. I arkivsektoren er det mange siloar, med ulike kulturar. Utfordringa på Byarkivet er at vi har fem avdelingar, med ulike arbeidsmåtar, kulturar og kompetanse. For meg blir det viktig