Sosiála mediat leat mánáid ja nuoraid stuorámus ođasgáldut
Measta bealli gaskal 9- ja 18-jahkásaš mánáin ja nuorain geavahit sosiála mediaid ođasgáldun.
Dan čájeha ođđaseamos iskkadeapmi maid mediabearráigeahčču lea čađahan.
– Sosiála mediat leat dehálaččat mánáide ja nuoraide go guoská sosialiseremii ja guoimmuheapmái. Muhto oaidnit maid ahte ođđasiid ektui de leat sosiála mediat maid eanemusat geavahit, lohká Mediabearráigeahču direktevra Mari Velsand.
Báberaviissat eai geasut nuoraid
Iskkadeamis boahtá ovdan ahte 18-jahkásaččain leat sullii 60 proseantta geat lohket ođđasiid sosiála mediain.
Sullasaččat lea lohku 40 proseantta neahttaaviissaid ektui.
Seammás lea logi proseantta 17ja 18-jahkásaččain geat beaivválaččat gehččet ođđasiid TV bokte, ja čieža proseantta geat lohket báberaviissaid beaivválaččat.
Sihke Snapchat ja Instagram leat eanemusat geavahuvvon sosiála mediat mánáid ja nuoraid gask- kas, ja Facebook lea goalmmádin.
Eai bija áiggi TV geahččat
Iskkadeamis boahtá ovdan ahte mánát ja nuorat eai bija nu ollu áiggi geahččat TV go šaddet boar- rásebbon, ja neahttarávdnjebálvalus lassána.
Mánáin jerrui maid makkár Tvprográmmaid dahje Tv-ráidduid eanemusat gehčče, ja ožžo namuhit golbma alternatiiva.
Eanemusat gehčče «Riverdale» (11 proseantta), «Modern family» (8 proseantta), «Side om side» (7 proseantta), «Farmen» (6 proseantta) og «Stranger Things» (6 proseantta).