Uukilinika womagundji tau ka tungwa moshitopolwa shErongo

Uuministeli wuuhaku nonkalo nawa owa tseyitha kutya, ongundu yoondohotolaoshowoiilyoyehangano lyokaankela okuza koWindhoek, oya li ya talele po iipangelo iinene yepangelo koWalvis Bay oshowo Swakopmund nelalakano lyokueta po uukilinika womagundji.

Oyashangakutya,olweendookwali lwa thiki koshitopolwa shErongo, konima kwali ya eta po okakilinika komagundji koWindhoek kotango, e taya ya ndhindhilike ompumbwe yuukulinika koshitopolwa hoka.

“Ongundu yaanambelewa ndyoka ya li ya talele po oshitopolwa shErongo oyali ya kundathana naakuluntuwiliki yiipangelo mbyoka iyali, no kutsa kumwe kutya otaya eta uukilinika wuli uyali, miiwike ya taalelwa,” ya fatulula ngaaka.

Oya tsikile kutya, ohaya gandja omalongo kombinga yokaankela yomagundji, okutameka komandhindhiliko oshowo shoka hashi vulu okuyi eta. Taya ti, oya totha mo oshitopolwa shErongo omolwa ompumbwe yuukilinika womagundji, oshowo okueta omayakulo gokaankela yomagundji po pepi noshigwana shokombinga hoka.

Omukuluntu gwehangano lyokaankela moshilongo Rolf Hansen okwa ti, aakiintu Aanamibia ya konda po500 ohaya monika ye na okaankela yokomagundji kehe omumvo.

“Okaankela yokomagundji oyo unene hayi lopotwa olundji, nohayi gumu aakiintu yoomvula adhihe, shoka tashi pumbwa iikonga noku gandjwa omalongo,” Hansen ta popi ngaaka sho a li ayi moonkundathana noNampa.

Iizemo yomapekapeko otayi holola kutya omukiintu gumwe maakiintu yahetatu muuyuni, oku li moshiponga oku kwatwa kokaankela yokomagundji monkalamwenyo ye. Uuministeli wuuhaku owa li wa ningi omakonakono goshali gookaankela yokiilyo yiivalithi yaakiintu omwendhi gwayi.

Owakalanokukumagidhaaakiintu opo ya talele po iipangelo miitopolwa ayihe moshilongo opo ya mone omakonakono goshali. Omimvo dha piti oshipangelo shOngwediva Medi Park osha kala noku longekidha omakonakono gokaankela ndjoka hayi kwata posheelo shoshivalelo shomukiintu.

Kakele komakonaakono gaakiintu, oshipangelo shika shopaumwene osha kala woo hashi ningile aalumentu omakonaakono kiilyo yiivalithi, nago haye ga ningi oshali.