Swapos ge ǀgui!nâxasiba ǂgiǂgos !gâ-ai go ǁhûi
Swapo !nans ge !kharu go sâǁaeb !nâ ǀhûǀgui tsî !hūǂhanuba ǁnâuǀnams ǀkha ge mîǁgui, !Nakaǂnôa !Hūb di ǁûs, Netumbo Nandi-Ndaitwahs (NNN) nî Swapo !nans di presidentse ǂnûǂkhaebasa, !goaxa kurib di !Hoaǂkhaib !nân hoa!nâ-aixa konxres !auga hâ konxresa nî ūhâs kōse. Nē ǂgiǂgosi !nans ge ǁōǂoas president Hage Geingob dis ǀkha ǂoa go ǁkhâba xu president-i ose ge !gau. Swapos di !hūǂhanub ge ra mî, hana-i president-i di !harosa nî ǀkhai!nâs karao, mâ !aroma-i ǀgui-i ais kara xawe, os nî sentral komitesa hoa!nâ-aixa konxres !auga hâ konxresa !nona ǁkhâgu ǁaeb ǁnāti ī soas ge a ǀkhai!nâs !nâ nî ǂgai tsî ǀasa president-e ǁhûisa hîa nē go ai!â hâ i president-i di !gauhâ
termains ǁaeba nî sîsenǀoasse, hanas ǁnāti ī soasa !nani ǁkhâgu !gauhâ sao ra hoa!nâ-aixa konxres ai!âs ǁaeb !nâ nî hâ tama īs karao.
ǁNāti ī soadi !nâ-i ge !nakaǂnôa president-e hoa ǀgaigu, !ereamxasigu tsî sîsengu president-i !haros !khōǂgā hâga nî ū!khuni, president-i konxres tawa nî ǁgaumâihes kōse. ǁNā-amgas ge ǂoa go sâǁaeb !nâ Swapos di sentral komitesa ǀhao tsî ge mîǁgui, 19 !Hoaǂkhaib 2025 !nâs hoa!nâ-aixa konxres !auga hâ konxresa nî hâsa tamas ka i o ǀnîhâ ǁae-i “ǁaeb ga mā-amsa xu”, ǁōǂoa ge president Geingob termainsa nî ǀoaǀoase.
Nandi-Ndaitwahs ge nēsi ǂnûǁkhaeba ra !nans presidentse nî hâ ǁîs di !ereamxasigu !nakaǂnôa presidents digu ǀkha hao hâse.
Swapos ge noxopa ge ǀgongon!gao, ǁîs di ǁgaragu tsî daoǁgaugu !oas NandiNdaitwahsa nē !nans !aroma ǁîs ǀguisa presidentsis !aroma !goaxa ǁhûis !nâ nî māsa, Geingob ge ǁîb di ǀgam termainra !hūǂhanub ra mā-amsa !oa ǁaupexa dītoa hâ i tsî ǁkhawa presidentsis !aroma mâ tama ga hâ xui-ao.
Sentral komites ge ǁnā ǀhaos tawa !nans di sekretares xenerals (SG), Sophia Nahango Shaningwas, Uahekua Herungab, !nakaǂnôa sekretares-xenerali tsî noxopa ǀnî khoena ǁîn !nans !aroma ǂnûǁkhaeba-aose nî hâ tsî hoa ǂhâbasa ǂkhanin tsî Swapo !Nans president-i ǀons tsîna Namibiab ǁHûidi Komisis (ECN) tawa nî māǂgāse.ge ǁhûi. Swapo !nans di sentral komites di mîǁguib ge nausa !kharaga tsâsigu ǀkha ge !khō!oahe.
Nauisan ǁnāpa ǂauna senior ǁanin !nans dina nē mîǁguib, Nandi Ndaitwahs nî ǂnoa!oa-i ose !nans presidentse 2024ǁî presidentsi ǁhûis !aroma nî mās disa ǂhaitsise gere ǂhâ!nâ, xaweb ge New Eraba a ǂans ge ǀnî ǁanin ra tsâsa, !nans di !hūǂhanub gea ǁnâu!āsāhe !khaisa. “!Hūb di ǁGûb ge senior ǁanib !nans dib ase ǂgâxa, daoǁgau tsî !khâikhoms tsîna ge dī, î da ǁgaragu !nans !hūǂhanub digu xa daoǁgauhe. ǁÎb ge !gāsa kai !khais ge, ǀguis khami ī ǀgau-i tsîn a ǀkhaisa, ǀasase da khoe-e nî ǂgaxa-ū hîa nē soas !nans president-i disa nî ǀoaǀoase !khaisa. Swapo !Nans !hūǂhanub !oagu-i ge !nakaǂnôa president-e automatis.ǁnā soasa nî ǀoaǀoa,” tib ge Swapo !Nans ǂKhamkhoen ǁNâub sekretareb, Ephraim Nekongoba ge mî.