Bank Windhoeks di !Numis Apel Projeks ge N$33.9 miljun marisa nēsis kōse ǀhaoǀhao hâ

Bank Windhoeks di !Numis Apel Projeks hîa !Numis !Gaeǁares Namibiab (CAN) disa huis !aroma hâs ge nēsis kōse, N$33.9 miljun marisa ǀhaoǀhao hâ, Nē projeks ǀkhas ge ǁîsa 2000ǁî kurib hîas ge ǂguro !nās ase a tsoatsoab !nâ N$250 000sa ge ǀhaoǀhao hâ i. Nē marisâuǂgaes di Sîsenǂuira Mâisas ǁamaǁamas tsî ǂharugus ǁnâuǂharugub !oabadi dis, Jacquiline Packs ge ǂoa ge wekheb !nâ ge ǁawoǁawo, ǁnāpas ge hāǀaro ra N$2 miljun marisanē kurib !aroma, kurikorobe ra hâ projeks xa a ǀhaoǀhaohe !khaisa.” !Kharu ge 22 kurigu !nâs ge Bank Windhoeksa !gamse ǁîs ǂkhâ!nâsa CANs ra dī sîsenna ra mā, sida di !Numis Apel Projeks hîa ǂgurihaise ǀHûhâsiba Kō!gâs

!Ereamxasiba ǂoaxa-ūs dītsâdi !nâ danasa ra ǀhōǂuise,” tis ge Packsa ge mî.

Nē Projeks ge Namibiab !nâs ǁîsa mûmûxa marisa ra ǂgâxa-ūse a ǂansa. “Nēs ge ǁawoǁawosa tsî ǀomkhâisa ra īǁkhā kai aiǁgaudi di ǀgui hîa Bank Windhoeks !gâi ǀkharaǀkhara ra hā-ū tsî khoena ǁîs ǂgaob ai tanihâ ǂnûiǂgā !khaisa ra ǁgau. Sida ge nē ǂnûiǂgās ai a ǂnīsa tsî ai!âb ǁga nē îxa aiǁgaus mariīariǀhaos dis ǀkha nî !kharu, !gâi sîsenǂuibas tani hâ xui-ao,” tis ge Packsa ge ǀaro. Nē kurib di projeks ǂnamipes ge Packsa ge mî, ǁamaxuhe ge apeln ge 466 548 ai ma tsî apel sap-e 93 000 ai sīsa, tsî hoa kurigu di ǁamaxusab ǁîba ǁgoeǂamhâ !gôagu !nâse ra mâǂoasa.

Nē marisa !khō!oas gowaǀîs !nâb ge Sîsenǂuira Mâsisab CANs dib, Rolf Hansena ge mî, ai!gûgaru ǂkhâ!nâs

hîas CANsa Namibiaǁîn tsî Bank Windhoeksa xu nē projeks !nâ-ū ra !khō!oab a ǁkhiheǁkhōsa !khaisa nē ǂnûiǂgās di ǁgûbade sī!nâs !aroma.

“Hoarahus ǀgaub hîa da naun ûiga a ǀkharaǀkhara ǁkhāb ge, ǀguipa ra mâǀhao ǀhûhâsiba ǀgui khoe-i ra hâ ǂhâsib !nâ hâ ǁaeb ai,” tib ge Hansena ge mî.

“Nēsi da dâb xa ǀoahâse tsî gangansa nē buruxa maris di ǀhaoǀhaohes hîa Namibiaǁîn xa ǀhûhâse īǁkhā kaihe hâs, tsî !gōsase Bank Windhoeks di ǀguixa sîsenaon !oa, ta ge gangan ti hoado !oa ra mî, ti ǂgaob di !gamsiba xu.”

CANs ge nē projeksa xus ra !khō!oa marisa ǁîs di kurikorobe proxramgu hîas ǀhûhâsigu !nâ !numis ǂnamipe ǁkhāǁkhākhâide ra mâ!nâgu tsî !numis !aroma ra dīhe !âide dīs !aroma ra sîsenū.

Mâǂoahâ mariǀhaoǀhaos… ǁAreba xu: !Numis !Gaeǁares Namibiab (CAN) dis Sîsenǂuira Mâisab, Rolf Hanseni; Bank Windhoeks Dana Sîsenǂuira Direkters, Baronice Hans tsî ǂnûǁkhaeba ra sîsenǂuira direkteri, Ministeris ǂUrusib tsî ǀHûhâsi !Oabadi dib, Jeremia Nghipundjwab.