ǀGapi skola xu universitaits ǁga !oas
Universitaits ǁga nî !oase īs ge !âuhe ǁoa tsâsiba !khōǂgā hâ !harosa, ǁnān hîa ǁnā daoba !gûsa mîǁgui hân !aroma.
ǁNā!harostsî!gûǂgarob!khōǂgāhângeaitsamamâbasens tsî !norasasib ǁkhoreb hîan ǂauna ǀgôana ǀgapi skoli ǀkhan kara toa o ra mûǂuiba. Nē aitsama mâbasens tsî !norasasiba ūhâs ge nē student-e xu nau-i ǁga ra !kharaga tsî !kharaga ǀgaugu !nâ mâ-i hoa-i tawa hā ǁkhā.
Aiǁgausen ge ǀnî ǀgôana ǂguro !nās ase ǁîn ǁgâusa xu ǂoa tsî ǁîn aib ai ǀguri nî hâtsâse ī, nēsits ga hostels !nâ hâ tamas ka i o ǀnî khoe-i di !nā-om-i !nâ hâ, xawets ge sa în ose hâ.
Naun !aromas ge, ǀgurits nî universitaitsa !oa !nariūsen !khaisa aitsamamâbasensa ra mā tsi. ǁNā !âb hîa hoan xa !nāsase nē ǀasa studentn !aroma ra mâǂoab ge, ǁîn ǁgau!nâ-aon tsî ǁgûn di nēpa hâ tama isa, ǀoro ǁgaragu tsî ǂgaoǀkhādi a ǀkhai hîa !ereamxasiba tanihâse !khaisa.
Hoa khoeda !aroma hâ !khais ge, nē !harodi !nâ da nî !kharuse i !khaisa tamas ka i o mîǁguigu hîa sada ûiga nî tsâǀkhāga nî ūsa.
Aitsamamâbasens ge sa ûib !ereamsa naun di ǀgaisa mîǂgāb ose ūsa. Nausan, studentna universitaits tawa hâs ǀkha ǂâis !nâ nî ūhâs ge, !ereamxasiba sa dīgu ǂnamipe nî ūse isa, nēs kaikhoesisa !oa ra ǁnumi tsi xui-ao.
Universitaits tawats ge kaikhoese ra !gawaǀîhe tsî ǁnāamaga ǁnās !oa ra ûi-ūhe. Mâ ǀgapiǁgau!nâ!khaib tawats hâsa xu nausa ra !kharaga, xawes ge sa hâsa !ûihe tama hâ tsî di ge ǁkhāǁkhā!âde tsēkorobe ai!gûs ǀguisa ra dī, satsa hâ tamas ka i o ǀkhais xa ǁkhaemâihe tama hâse. Sats aib ge !ereamxasiba ǁgoe, hābats ge !aromasats ǀoasase nî dīǀoaǀoas disa.
!Nāsa ǁkhāǁkhāsens ge satsa xu nî hâ, ǁgau!nâ-aon ge ǁîn !ârob ǀguiba ra hā-ū. ǁKhāǁkhāsens on ge ǀnî ǁaega !aob !nâ ǀasa students ase ra mâi tsî, ǁnā-amagas ge sats go sī!gao universitaits ǀhûhâsiba !kharaga !ēde ǁkhāǁkhā!nāomdi !auga ra mā, aiǁgause !kharaga ǂgamǂgamsenǀhurun, !hao!nāsiǂūsigu !nandi tamas ka i o !gâi!gâisens ǁaxasin !nâ ǁhaos ase.
ǀGuiro re sa ǁkhāǁkhāsens tsî !gâi!gâisens ǁaega. ǀHōsana kuru, xawe ǂhanuse ǁhûi sa ǀhōsana. Dītsâ ǂûǂûxase ǂûsa, ǂâuhâse ǁomsa, !âisensa tsî !norasase khomai. Hoan xas ǁîsa students era mâǂoa !khais , sa ǁaeba ǂhanuse ǀaweǁgui tsî ǁnās !oagu ûitsâsa. Hoa !gâi!gâb sa ǀasa ǂgarob !aroma.
* Justine ǀÔas (ǁKhāǁkhāǂuisa ǀawemā-aos tsâsigu dis)