Ndeitunga kapi ana kuyihafera eyi varongwa vana kuruganesa epangwe
Sinzi sovanona kuna kulihamesera unene mokukoka epangwe nayimwe ngoso vasilika, mukaro nye ogu guna kuninkisa mukurona govaporosi Sebastian Ndeitunga aka kapisi nomukaro gomuwa. Vantu kuna kupitisa yininke yangesi nokuyigava kovanona wosure pevango lyosure moomu tupu vana seyere. Ndeitunga katente asi age kuna mugumu unene mukaro gwangesi morwa sinzi sovarongwa kuna kumoneka asi yina vagumu unene eyi yokunwa nomutji vasilika kudiruiganesa. `’ Eyi kuna kara usili asi sinzi sovanona ava ruganesa epangwe ngesi kuna kara tupu mositarata kwato eyi vana kurugana, ponosure, momavango gokurara vana sure, ntani momambo getu kuna karamu mapangwe. Eyi yina kumoneka udona unene vadinkantu vetu yiwo nye vana kuruganesa unene epangwe mepuko ,’’ yimo ana kutanta ngoso.
Ndeitunga ogu ana kudingura ngesi nomukunda dokomuzogo, katente asi koveli vantu yina tumbukire yangesi, omu vana kupa vanona mapangwe morupe rokulisigasiga. Age katente asi vantu vangesi kuna kudipaga sirongo makura vahepa kuvarapota kovaporosi. `’ Wokurandesa nomutji edi kuna kumoneka asi kuna kuruganesa vanona omu navagwanenamo uwa vene, vana diva nawa nawa asi kuna kudipaga eparu lyovanona ava eyi kuna kuhoroka sirongo mudima, yimo ana kutanta Ndeitunga. Vaporosi kavakweteko epangwe lina siki komulyo N$2,8 gonomiliyuna mokwedi gwaSiwogedi ntani N$800 000 ntani mwaSitarara awo kwahamatako wokusika ko 194 morwa kuruganesa epangwe momakwedi aga gavali.
Eyi nye vana kurandesa kuna kara Canibis, mandrax, crack, cocaine power ntani methamphetamine. mokukwama muhuyungilipo vaporosi woOshana, Thomas Aiyambo, katente asi Oshana kuna kara mukunda gumwe ogu yina gumu momunene omu vantu vana lihamesere melikwamo eli lyedona.
`’ Nosure ntano kuna kara omu varongwa vavatanta asi kuna lihamesere melikwamo lyangesi, ado kuna kara; Oshikondiilongozelipakerero, Kupila zelipakerero, Ontuli sekondere, Iipumbu sekondere ntani Uupumako zelipakerero , yimo ana kutanta. Aiyambo katente asi mazonaguro ntani eruganeso nyanya varongwa owo, kuna kupa nye vamitili sidiviso asi vanona ava koyili vanarugana yokupira kuwapera. –vkaapanda@nepc.com.na