JKKK mesti nyadi ejen ngaga ubah, ‘jematan’ rayat enggau perintah
Mong: Mai berita ngagai perintah bekaul enggau isu pengelantang pendiau, penanggul rayat ba sitak sida empu
Tetiap JKKK patut madahka penanggul ti ditapi rayat. Nyema JKKK enda meri kerejasama rat enggau perintah nya ti ngasuh mar raban perintah deka meri rojek pemansang ke sebuah kandang menua.
Datuk Mong Dagang
SRI AMAN: Komiti Pemansang enggau Pengelikun Genturung Pendiau (JKKK) dipinta nyadi ejen ubah enggau mai berita ngagai perintah bekaul enggau isu pengelantang pendiau sereta penanggul rayat ba sitak sida empu.
Kaban Kunsil Nengeri (ADUN) Bukit Begunan Datuk Mong Dagang madah, tetiap komiti JKKK baka ‘jematan’ ti ngaul rayat enggau perintah.
“Tetiap JKKK patut madahka penanggul ti ditapi rayat. Nyema JKKK enda meri kerejasama rat enggau perintah nya ti ngasuh mar raban perintah deka meri rojek pemansang ke sebuah kandang menua,” ku iya.
Iya madah munyi tu lebuh ti bejaku maya Pengerami Ketuai Begulai Enggau Rayat ti diatur ba Rumah Mang, Kampung Bait Ili, Sri Aman ditu pagi kemari.
Ku Mong madah, pengawa numbuhka JKKK tu iya nya strategi dalam numbuhka komuniti ti ulih ngatika diri enggau proaktif dalam aktiviti pemansang.
“Organisasyen JKKK bejalaika tanggungpengawa ti berat nyadi ‘injin’ administrasyen ti pemadu pemun,” ku Mong madah.
“Nya alai, endang amat beguna ngagai tetiap JKKK diberi latih sereta pengelandik
ADUN Bukit Begunan
dalam semua aspek numbuhka organisasyen, administrasyen, ngatur pengawa enggau pemansang ngagai pengawa nempa JKK ti ngembuan visyen, ulih ngatika diri, produktif sereta seruran mansang,” ku iya nambah.
Sama datai maya pengerami tu iya nya Penghulu Menjang Niah sereta bala tuai rumah ari rumah panjai di kandang menua nya.