KMKK dilalau ngambika terus komited enggau pengawa
Penyanding Penemu di Opis Premier Sarawak (Opis Menteri Industri Pemakai, Komoditi enggau Pemansang Wilayah) Tan Sri William Mawan Ikom ngansak bala ketuai komuniti enggau ketuai bansa (KMKK) terus komited enggau pangku pengawa sida.
Ku iya, chara tu endang beguna dalam nentuka sistem administrasyen sida ba renggat baruh ulih terus relevan.
“Kitai meri besai terima kasih ngagai semua raban kelebih agi ketuai ke endang seruran meri sukung enggau komitmen ngemansangka pelilih menua Pakan nyentuk nadai agi dikumbai orang ‘pelilih menua ti pemadu seranta di Malaysia’ tang diatu chukup tebilang lalu seruran dipadahka ‘pelilih menua ti pemadu kemerah’.
“Komitmen semua raban nentuka pelilih menua Pakan tu majak mansang endang chukup beguna sereta tanggungpengawa tu ukai semina ba sepiak raban aja,” ku iya
ma Pengerami Makai Selamat Nyiri 21 Ketuai Komuniti (Tuai Rumah) ti udah nerima surat chiri ari perintah nengeri ditu, bedau lama ti udah.
Kaban Kunsil Nengeri (ADUN) Pakan tu mega madahka KMKK seruran bekunsika penerang enggau penemu ti mai ngagai pengeransing begulai ngadaka
komuniti ti beserakup enggau mansang.
“Chara tu endang beguna dalam nentuka komuniti seruran bulih informasyen tu meri pemaik lalu ulih mai ngagai empas positif ngagai komuniti ari semua pekara.
“Kitai bebendar lalu merambu ngatur kus nyadi ketuai ngagai raban ketuai ba renggat
baruh dikena ngenegapka administrasyen enggau ngatur Komiti Pemansang enggau Pengelikun Genturung Pendiau (JKKK),” ku iya nerang.
Urung 400 iku rayat di kandang menua Pakan nyengkaum lebih 80 iku bala tuai rumah enggau penghulu ba pelililh menua Pakan datai ngulu pengerami tu.