Pengaji mesti nentuka pekereja ngerejista penatai sida kereja ngena aplikasyen MySejahtera, chara manual
KUCHING: Pengaji mesti nentuka pekereja ngerejista penatai sida kereja ngena aplikasyen MySejahtera tauka ngena chara manual enti endur nadai bungkur internet.
Nya siti ari prosedur operasyen standard (SOP) Atur Nagang Pemindah Bisi Penetap (PKPB) ti udah dikemaru Kaunsil Pengelikun Menua (MKN) nengeri Sarawak kena Hari Satu berindik ari pemutus Komiti Mutarka Penusah Ngenyit Nengeri Sarawak (JPBNS) ngelanjarka PKPB nyentuk 7 Jun 2021.
“Pengaji mesti nentuka pekereja ngerejista penatai sida kereja ngena aplikasyen MySejahtera tauka ngena chara manual (nama, lumur telefon, hari bulan enggau jam) enti endur nadai bungkur internet.
“Pekereja ke bisi kelai enda di kemendarka bekereja lalu dipinta beperesa COVID-19 ba klinik Pengerai ke besemak,” ku iya.
Kelimpah ari nya, ari baruh SOP ti dikemaruka nya, pengaji patut nentuka pekereja ti ditemu nyadi Person Under Surveillance (PUS) enda dikemendarka bekereja nyentuk ke udah abis timpuh kuarantin sereta dikemendarka pansut ari opis pengerai lalu tembu beperesa COVID-19 ti udah ditetapka.
Pekereja sektor servis mesti minta permit suah mansa zon tauka belebuh ketegal bejalaika pengawa, mesti beperesa swab test RT PCR COVID-19 tetiap dua minggu.
Peresda nya ku iya, mesti diambi pekereja ke bisi kelai baka renga, batuk, tabin enggau chirit.
“Pekereja enda di kemendarka makai beraban ti nadai seraka sosial maya ke ngetu enggau ke bukai.
“Anang enda ngena sengkabung idung enggau mulut nyengkaum ngemeranka seraka fizikal dalam perengka pengangkut ke mai barangan enggau servis dagang industri,” ku iya.
Ungkup sektor peribit, kapasiti penatai pekerja ungkup seksyen ngatur pengawa iya nya 30 peratus aja, 70 peratus gawa ari rumah (BDR) lalu 50 peratus dikemendarka ba seksyen operasyen.
Pengaji mensti bisi tanggungpenagwa nentuka gintir kereja nitihka jaku tesau tu, ku iya.
“Pengawa meri penerang tauka program resmi perintah dikemendarka nitihka SOP ti diteritka lalu endatau ngelui melebihi 50 peratus kapasiti premis tauka maksimum 100 iku aja.
“Pengatur enggau pesereta mega dipinta nitihka SOP protokol pengerai ti diteritka,” ku iya.