KGBS enda nerima atur PPSMI dipejalaika baru: Malie
Modul PPSMI ti dipejalaika sebedau tu nyata enda mujur nengah bukti pansik ti dipejalaika sebedau tu
KUCHING: Gempung Pengajar Bumiputera Sarawak (KGBS) enda nerima atur ngena baru Pengawa Ngajar Belajar Sains enggau Matematik dalam Jaku Inggeris (PPSMI) laban modul nya enda nitihka juluk sekumbang dipejalaika sebedau tu.
Presiden KGBS, Ahmad Malie madahka modul PPSMI ti dipejalaika sebedau tu nyata enda mujur nengah bukti pansik ti dipejalaika sebedau tu.
“Nya kebuah KBGS enda begilik penemu mantah atur ngena baru PPSMI. Ba KGBS isu ti dikedeka ke iya nya mutarka pengelemi bala nembiak kitai ngambika landik dalam Jaku Inggeris.
Presiden Gempung Pengajar Bumiputera Sarawak (KGBS)
“Nama kebuah subjek Sains enggau Matematik ke nyadi tagit,” ku iya madah ngagai Utusan Borneo ke mari lebuh ke ngenang penerang Menteri Besai ke mega Pemangku Menteri Pelajar, Dr Mahathir Mohamad kena bulan Januari 2020 ti sekali agi deka ke pengawa ngajar sains enggau matematik dilpejalaika dalam jaku Inggeris.
Lebuh bejaku ba aum khas KPM kmaya nya, Dr Mahathir madahka pengelandik bejaku Inggerisendang pekara ke beguna dalam pendidikan.
“Geografi enggau sejarah tau diajar dalam barang bagi jaku tang sains enggau matematik ukai bidang penemu bansa asal, nya berasal ari menua tasik.
“Tebal agi utai datai ba kitai nengah jaku Inggeris. Nya kebuah, kitai deka ngena jaku Inggeris lebuh ngajar sains enggau matematik. Reti nya kitai enda nyaruka mensia mayuh.
“Kitai beratika sida ti belajar sains dalam jaku Melayu enda ulih bekereja enti jaku Inggeris deka diguna,” ku Dr Mahathir.
Ngenang silik senttang penerang Dr Mahathir itu, Ahmad ke mega Chairman CUEPACS Sarawak mayuh orang bechuntoka menua luar baka Jepun, Finland, China enggau ke bukai, ngena jaku asal ngajar Sains enggau
Matematik.
Tu ku iya,ngena jaku asal bala nembiak di menua nya mudah agi pandai ba kededua subjek nya.
“Nya alai ba KGBS kitai enda patut kelalu jauh, kitai meda ada sekula ke bisi di menua kitai tu, ti ngemeratka pengawa ngajar subjek Sains enggau Matematik tang diajar ngena jaku asal si da. Nama kebuah tu nyadi ?
“Nya kebuah, KGBS melda prkara tu mandangka subjek Sains enggau Matematik patut agi diajar ngena jaku menua enti dibandingka enggau ngena jaku Inggeris.
‘KGBS mega amat setuju enggau penemu Sapit Menteri Pelajar (Teo Nie Ching) ke alai KPM patut chakah ngangkatka pengawa ngajar jaku Inggeris...Pengawa ti dikedeka ke nya setipak enggau isu tu,” ku iya.
Ku Ahmad baru, menua napi isu pengelemi nguasa jaku Inggeris mnya alai ‘ubat’ ke semitan, mansik sereta nyerenih baru silibus enggau chara ngajar jaku Inggeris ngambika engkeman agi enggau gaya ke diatu.
“KGBS enggai isu pelajar tu seruran dipetalat ti ngujungka mai pengerusak ngagai bala nembiak.
“KGBS ngarapka polisi pelajar menua patut bisi pelasar ke tegap taja pan nya nyadi sebengkah polisi ti pragmatik,” ku iya n yemetak.
Nya kebuah KBGS enda begilik penemu mantah atur ngena baru PPSMI. Ba KGBS isu ti dikedeka ke iya nya mutarka pengelemi bala nembiak kitai ngambika landik dalam Jaku Inggeris.
Ahmad Malie