JPS dipinta fokus ngaga pansik ba empat bansa utai tanam

KUCHING: Opis Betanam Betupi Sarawak (JPS) mesti fokus ngagai projek pansik empat utai tanam baka rian, nanas, pisang enggau nyiur.

Sapit Kepala Menteri Datuk Amar Douglas Uggah Embas,madahka pansik tu patut berundingka komuniti bekebun ti engkeman dikena nambahka produktiviti enggau penatai pemisi sida ngagai RM4,000 sebulan datai ba taun 2030.

“Perintah Sarawak udah ngelala empat utai tanam iya nya rian, nanas, pisang enggau inyak ti bisi potensi besai dieksport.

“Nya kebuah JPS patut fokus agi ba pemansut utai tanam tu dikena nangkup peminta makit menua tu enggau menua luar.

“Nya alai aku deka ngelalau bala pemesai pemansik JPS, pansik ti dipejalaika kita mesti fokus ngagai utai tanam tu lalu komuniti bekebun ti relevan ngambika produktiviti enggau penatai pemisi sida ulih ditambah ngagai RM4,000 datai ba taun 2030,” ku iya madah nyemetak.

Iya mansutka jaku nya nengah teks jaku ti dibacha Menteri Muda Betanam Betupi Dr Abdul Rahman Ismail lebuh bejadika Aum ‘Kemajuan Pegawai Penyelidik (ROPM) JPS’, 2018 di sebuah hotel ditu, kemari.

Uggah ti mega Menteri Betanam Betupi Moden, Tanah Adat enggau Pemansang Kandang Menua ( MANRED) madahka perintah nengeri udah ngagihka RM4 juta dikena bejalaika Program Ngintu Baru Rian kena nampung projek pemungkal ti dipejalai ba Kuching, Serian, Betong enggau Limbang taun tu.

Dikena nambahka nya ku iya, RM3 juta agi diagih ungkup Program Nanam Baru Rian ti mungkur pekebun mit di serata nengeri, ba taun baru.

“Rian udah lama ditemu nyadi buah eksport di Semenanjung Malaysia enggau menua sepiak. Aku dipadah diatu bisi urung 400,000 pun rian chukup tuai di serata Sarawak.

“Taja pia, Sarawak nadai teulihka pemaik ari pun rian ti chukup tuai ke bisi diatu laban pengawa ngatur betanam agi lemi ti ngujungka pun rian enda ngeluarka asil, kurang fasiliti proses enggau pengawa ngintu enda entu meruan ngagai raban ti ngemeranka pengawa nya.

Ngagai orang ti nanam nanas, Uggah madahka RM2 juta udah diungkup dikena ngemujurka Program Nanam Baru Nanas enggau nanas bansa MD2 deka ditanam.

“Engka pemesai pemansik patut beratika pekara memproses produk ari nanas ngagai variasyen nanas ke bisi diatu baka Nanas Sawit enggau Nanas Bario ti ulih ngerembus ngagai makit dunya.

“Kelimpah ari nya, pansik patut dipejalai dikena ngasilka kompos bio ungkup betanam chara organik eng- gau pemakai jelu tupi ari teda tauka produk nanas bukai,” ku iya.

Ngenang pasal pengawa nanam pisang, ku Uggah, dalam taun 2019, RM1 juta udah dikemendar dikena ngemujurka Program Nanam Baru Pisang ti nyadi tampung program taun ke udah ti mega ngaul agih belanja penyampau RM1 juta.

“Aku ngarapka JPS enggau pemesai pemansik JPS deka mantu bala pekebun pisang kitai nyendiaka sukung teknikal dikena nentuka produktiviti enggau pengetan kebun sida,” ku iya.

Uggah madahka Program Ngintu enggau Nanam Baru Nyiur mungkur pekebun mit deka dipejalai ba taun tu ngena agih belanja penyampau RM1.3 juta.

Iya madahka Sarawak nagit ngemesaika dandang kebun nyiur di nengeri tu ngagai 100,000 hektar manggai ba taun 2939 dibanding enggau semina 12,600 hektar diatu.

“Nyiur siti agi komoditi ti nerima peminta tinggai ba makit menua tu enggau menua luar. Nya kebuah aku dekaka bala pemesai JPS nerima peminta ngiga chara alternatif dikena nambahka asil nyiur ngambika ulih nangkup peminta ba nengeri tu,” ku iya.

Sama datai Menteri Muda Pemansang Tanah Adat Datuk Roland Sagah Wee Inn, Sekretari Mendam MANRED Datu Ik Pahon Joyik enggau Pemangku Direktor JPS, Dr Alvin Chai.

Kami dipadahka restoran tu deka dibuka pagila (sehari tu), lalu pengawa ‘final touch’ dipejalaika sehari tu (kemari) kelimpah nguji perengka ke deka dikena sida ila. Sarawak Khirudin Drahman Direktor Opis Pengerara Api enggau Penyah Penusah Malaysia Sarawak

Direktor Opis Pengerara Api enggau Penyah Penusah Malaysia (JBPM) Sarawak Khirudin Drahman madahka sida ari restoran nya begulai enggau kompeni ngaga pengawa ngemanah benung meresa palan nya ti disadang deka dibuka sehari tu.

Ku iya, ketegal gis ke meletup,dinding premis nya rubuh lalu ninggang 28 iku iya nya 23 lelaki enggau 5 iku indu ke tebal agi pekereja restoran nya.

“Kami dipadahka restoran tu deka dibuka pagila (sehari tu), lalu pengawa ‘final touch’ dipejalaika sehari tu (kemari) kelimpah nguji perengka ke deka dikena sida ila,” ku iya lebuh dikerandau pengarang berita kemari.

Ku iya, lebuh tim sida datai ba palan nya, dipeda beberapa iku bakal sereta udah dipansutka mensia mayuh sereta nganti penatai raban penyelamat ba palan bebeli barang nya.

“Pemadah tumu madahka lima iku agi mengkang tepekul ba baruh dinding nya, tang pengudah kami ngiga kami mujur tetemuka enam iku lalu tiga ari nya udah parai.

“Tiga iku agi balat bakal lalu ditaban ke Sepital Besai Sarawak (HUS) ngambika diperubat,” ku iya.

Urung 10 buah ambulan ari HUS, Emergency Medical Rescue Services (EMRS) Bomba enggau Angkatan Pertahanan Awam Malaysia (APM) dikena nabanka semua sida ke bakal nya.

Sida tiga ke parai nya dikelalu enggau nama O Kui Lim beumur 51 taun ari Batu Kawa, Tchee Kiam Jong, 24 taun ari BDC Stutong enggau Chin Hsien Loong, 29 taun ari Pulau Pinang udah diserah ngagai polis.

Lebuh ditanya sentang pun penyadi, Khirudin melabaka nya bepun ari gis.

Ku iya, pansik silik deka dipejalaika Opis Pengelikun enggau Pengerai Pekereja sereta opis ke bekaul.

Berebak enggau nya, siku ari sida ke bakal nya ti dikelala enggau nama Benny, 40an madahka maya penusah nya nyadi, bisi urung 20 iku bisi ngelingi iya sebedau sida tekenyit ninga bunyi letup ke balat.

“Maya penusah nyadi, kami benung kereja lebuh utai ke meletup nya nyadi ti ngujungka siling di dalam terus rubuh,” ku iya.