Fatimah nemuai meri basa ngagai Menteri Pengerai
KUCHING: Menteri Pengintu Pendiau, Pengelantang Komuniti, Orang Indu, Ruang Bilik enggau Pemansang Anak Mit, Dato Sri Fatimah Abdullah enggau raban iya udah nemuai meri basa ngagai Menteri Pengerai , Dr Dzulkefly Ahmad di Kuala Lumpur, ensana.
Tuju penemuai basa nya kaban deka berandauka pasal kolaborasi strategik kelimpah berundingka jalai ke nyemetak ungkup kerejasama entara Opis Menteri Pengintu Pendiau, Pengelantang Komuniti, Orang Indu, Ruang Bilik enggau Pemansang Anak Mit (KWKPK) enggau Opis Pengerai Nengeri Sarawak.
Bisi semilan program bekaul enggau pengelantang komuniti, orang indu, ruang bilik enggau anak mit udah dikerandau maya penemuai basa nya.
Entara pekara dikerandau iya nya Program ‘Reading Seeds Kit’, Pengerami Hari Orang Indu Renggat Nengeri Sarawak 2018 berambaika jaku ‘Sarawak Women in Health’, ‘One Stop Teenage Pregnancy Centre’ (OSTPC), isu dadah, kimpin ‘Baby Breastfeeding Awareness’, isu orang nadai pendiau, muai anak enggau ulah kasar ba anak mit.
Bela nyereta penemuai tu iya nya Menteri Muda Orang Indu, Ruang Bilik enggau Pemansang Anak Mit, Rosey Yunus; Sekretari Mendam KWKPK, Dr Saadiah Abdul Samat; Direktor Opis Orang Indu enggau Ruang Bilik Sarawak, Noriah Ahmad; Pemangku Dirketor Opis Pengintu Pendiau Raban Bansa, Joni Nuruddin; Sekretari Eksekutif Kaunsil Pe- mansang Rama Sarawak, Dr Zufar Yadi enggau Librarian Pustaka Nengeri Sarawak, Edison Ricket.