Program tu dikena meransang apai indai bejalaika tanggungpengawa ti besai betatika pelajar anak sida, ku Law
SARIKEI: Pemanah timbal ti diterima ba Program ‘Jom Ke Sekolah’ ke diatur Sekula Sekondari (SMK) Sungai Paoh semak ditu apin lama ke udah mandangka pengandal tinggi bala apai indai dalam pelajar bala anak sida.
Prinsipal sekula nya, Paul Law Nai Kung madahka program nya nyadi siti ari pengawa baru dipejalai raban sekula dikena meransang apai indai bejalaika tanggungpengawa besai agi dalam pelajar anak sida.
“Nengah program tu, apai indai ulih matau penatai bala anak sida ngagai sekula enggau nerenakka disiplin maya di rumah,” ku iya, seraya nambah, pengawa tu deka gawaka pemujur bala anak sida ngulihka penyulut dalam pelajar.
Kelimpah ari nya, tuju Program Jom Ke Sekolah mega deka ngaul raban ari gempung korporat gawaka sekula nengah program Tanggungpengawa Rama
Nengah program tu, apai indai ulih matau penatai bala anak sida ngagai sekula enggau nerenakka disiplin maya di rumah. Paul Law Nai Kung Prinsipal SMK Sungai Paoh
Korporat (CSR).
Law mega nyamin ngagai apai indai, iya nya sekula deka bejalaika ubah tauka transformasyen seriris enggau pejalai ‘National Education Blueprint’.
“Bala pengajar komited nempa nembiak ti bepenemu, tuai runding, bisi penau nyadi ketuai, landik bejaku Jaku Malaysia enggau English, ngembuan penaluk enggau pemanah ulah,” ku Law.
Kelimpah ari nya, iya mega madahka diri pechaya semua pekara tu deka nentuka bala nembiak ulih besemekih dalam pengidup sida jemah ila.
Ba lansa bukai, pakej dikena nentuka nembiak nyulut dalam akademik, aktiviti ko-kurikulum enggau nyadi ketuai, mayuh program udah disediaka baka ‘Programme for International Students Assesssment’ ( Pisa) 21st Century learning; Science, Technology, Engineering and Mathematics (STEM) ngambika sida nitihka singkang pemansang pemadu baru.
Sekretari Politik Kepala Menteri, Teng Ung Woo udah dikangau datai lalu dipebasa bejadika program nya.