Sekumbang nyadi Kaban Parlimen ba sitak tu juluk aku endang deka mai mayuh projek pemansang ke pemaik rayat, ku Dawos
PUNCAK BORNEO: Pemansang kelebih agi ngaul perengka guna pemun enggau infrastruktur di sitak Parlimen Puncak Borneo diatu majak maju, ku Sapit Menteri Kuasa, Teknologi Gadung enggau Ai Datuk Seri Dr James Dawos Mamit.
Dawos madah, sekumbang udah nyadi Kaban Parlimen ungkup sitak nya, pemerat enggau pengeran iya endang deka mai mayuh projek pemansang baka jalai alun, bekal kuasa karan enggau ai beresi ngagai endur nya ungkup pemaik rayat.
“Udah mayuh projek pemansang dipejalai di sitak Parlimen Puncak Borneo kenyau ari aku nyadi Kaban Parlimen sitak tu.
“Aku enda rindu bemainka politik. Nyadi pengari rayat, pengawa dikemeratka aku gawaka rayat enggau menua,” ku iya lebuh bejaku bejadika
Aku enda rindu bemainka politik. Nyadi pengari rayat, pengawa dikemeratka aku gawaka rayat enggau menua. Datuk Seri Dr James Dawos Mamit Sapit Menteri Kuasa, Teknologi Gadung enggau Ai
program ‘Kembali Ke Sekolah’ begulai enggau Tenaga Nasional Berhad (TNB) di Balai Mayuh Guna Teng Bukap ditu, ensanus.
Bisi 300 iku nembiak ari enam buah sekula primari ngelingi Puncak Borneo nerima bantu kereban dikena sekula nyerumba program ‘Kembali Ke Sekolah’ dipelanja TNB nya.
Sida tu datai ari nembiak beumur tujuh ngagai 12 taun ari Sekula Primari (SK) Pangkalan Kuud, SK St. Peter Simpok, SK Pesang Begu, SK Sira Krian, SK Gayu enggau SK Subang.
Ba lansa bukai, Dawos ngingatka apai indai ngambi beratika pelajar bala anak sida laban iya ulih ngubah enggau ngangkatka tikas pengidup sida.
Ku iya, perintah seruran meri pemerat ngagai pelajar enggau nyediaka pelajar nadai bebayar di renggat sekula primari enggau sekondari, kelimpah meri sekularship enggau jali ba tikas pelajar tinggi.
Berindik ari nya, iya ngan- sak apai indai ngena awak meri pelajar ngagai bala anak sida dataika tikas universiti.
Sama bisi datai rambau program nya iya nya Menijar Besai (Perhubungan Awam dan Dalaman) TNB Datuk Omar Sidek. — Bernama