Sarawak mujur teulihka RM7.8b puku, 1500 peluang gawa
KUCHING: Naka September 2017, Sarawak mujur narit puku sepenyampau RM7.8 bilion sereta dipelabaka ulih nyendiaka 1,500 peluang gawa di nengeri tu.
Sapit Kepala Menteri ti mega Menteri Pemansang Industri enggau Orang Dagang, Datuk Amar Awang Tengah Ali Hasan madahka, penyampau nya enda nyengkaum projek keluli ke diperambu ti berega USD3 bilion enggau projek methanol ti diperambuka berega USD2 bilion di Bintulu.
“Puku RM7.8 bilion ti dikemendarka nitihka sektor iya nya sektor Petroleum & Other Related Product (RM6.4 bilion); Non-Metallic Mineral Product (RM684 juta); Electronics & Electrical Product (RM300 juta).
“Ti nyengkaum ke dikemendarka State Industrial Coordination Committee (ICC) ti sepenyampau RM190 juta iya nya Warehousing and logistic, foof manufacturing, metallic mineral products, basic metal product, woodbased & wood product enggau ke bukai.
“Berindik ari pekara nya, ‘ manufacturing sector’ nengeri ngayanka penambah tauka penyungkak dalam taun 2017 sereta dipelabaka nambah 4.8 peratus (2016: 4.5 peratus) beduduk ari sukung pemansut industri bepelasarka eksport ti lebih tinggi baka Liquefied Natural Gas (LNG) enggau produk petroleum,” ku iya.
Awang Tengah ke mega menteri pemansang mengeri enggau pengeraja asal II mansutak pekara nya lebuh ti nyimpul jurai opis menteri pemansang industri enggau orang dagang ba aum kedua penggal kedua aum kunsil nengeri Sarawak Ke-18 ba hari ketujuh, kemari.
Nambahka nya iya madahka SCORE mega terus matak pemeranak puku ari menua luar beranakka puku di nengeri tu lebih agi ba Taman Industri Samalaju (SIP) ke mekuh dalam energy intensive industries ti ngasila produk ke mayuh diguna dalam operasyen industri dunya.
“Kompeni ke beoperasi ba SIP udah ngasilka eksport sepenyampau RM4.7 bilion dalam taun 2016 enggau RM8.7 bilion dalam taun 2017 (naka bulan Oktober).
“Sida ngambi orang gawa urung 6,300 iku ti tebal agi iya nya 70 peratus peranak menua tu empu sereta nyendiaka penguntung ekonomi urung RM500 juta tiap bulan,” ku iya. KUCHING: Menteri Wang II Dato Sri Wong Soon Koh madah, empas ari gaya ekonomi global udah ngubah semua rintai peminta enggau bekal, udah ngelui ari chunto dagang klasik laban bisi kaul makit baru, ke disukung gaya dagang ke tebuka sereta pemujur penyambung digital.
“Ekonomi digital deka nyadi indu transformesyen ekonomi nengeri, ke deka ngenyampatka pemansang ekonomi ke dikuasa penemu, inovasyen,teknologi digital sereta analisis data.
“Strategi tu ukai semina ngemujurka Sarawak nuju tikas pemansang ekonomi ti nangkanka nya tang ke pemadu beguna nyendiaka nengeri tu ngambika ulih nyingkang ke mua jemah ila.
“Dalam konteks tu, Bajet 2018 Nengeri ti ngungkupka
Ekonomi digital deka nyadi indu transformesyen ekonomi nengeri,ke deka ngenyampatka pemansang ekonomi ke dikuasa penemu, inovasyen,teknologi digital sereta analisis data. Dato Sri Wong Soon Koh Menteri Wang II
urung RM1 bilion ke inisiatif Ekonomi Digital Sarawak ngambika ulih nyapai juluk nyungkak pemansang ekonomi nengeri tu nyingkang jauh agi,ngurangka seraka tikas sosio- ekonomi, meri peluang kereja sereta pengawa dagang nengah ecommerce, meransang bala nembiak sereta nempa rega nengah inovasyen enggau dagang sereta nyapai e-government ke bepengelandik, nyata, pechaya enggau pengarap ati,” ku Wong.
Iya madah munyi nya lebuh Nyimpul Jurai iya bekaul enggau Opis Menteri Wang ba Aum Kedua, Penggal Kedua, Aum Kunsil Nengeri Sarawak ke-18 di Komplek Kunsil Nengeri (DUN) ditu, kemari.
Wong ti mega nyadi Menteri e-dagang madah, nyadi sebuah nengeri ke ngembuan ekonomi tebuka,menua tu mudah tepanjuk bepelasarka penegap ekonomi global sereta dalam kandang menua Asia.
“Beguna endar nengeri tu majakka pengawa ngemansangka ekonomi nengah pengerembai pengawa beranakka puku, ti ulih nempa pemujur pemansang ekonomi dalam timpuh ke panjai.
“Penumbuh DBOS (Bank Pemansang Sarawak) enggau PETROS ( Petroleum Sarawak) entara puku ke