Perintah benung numbuhka kompeni minyak enggau gis
PETROS diempu100 peratus perintah nengeri sereta dipelabaka deka beoperasyen dalam timpuh enam bulan agi
KUCHING: Kompeni minyak enggau gis nengeri dipelaba deka ngepunka operasyen ba pun taun baru.
KepalaMenteriDatukAmar Abang Johari Tun Openg madah perintah nengeri diatu benung numbuhka sebuah kompeni ti diberi nama Petroleum Sarawak tauka PETROS ke diempu 100 peratus perintah nengeri, ke deka bekerejasama enggau Petronas.
“Penyampau puku kompeni tu agi diperunding lalu dipelaba deka beoperasyen dalam timpuh enam bulan tu ila.
“Lalu dalam kandang enam bulan tu mega, kompeni tu deka belabuh beroperasi laban ari sepiak kitai ( Sarawak) enda tau enda besedia sereta sama ampit ngaga pengawa (upstream) O&G.
“Ba sentang (Downstream) nya udah ngena, kitai udah bisi Methanol,Malaysian Liquified Natural Gas (MLNG) laban kitai (Sarawak) nyadi kaling kunsi sida,” ku iya.
Iya madah munyi nya lebuh dikerandau pengudah bejadika Pengawa Pemandang BEM 2017 di sebuah hotel ditu, kemari.
Abang Johari ti mega Menteri Pemansang Mengeri Enggau Pengeraja Asal Rampa Menua madahka pemisi kompeni kediri empu tu ila (PETROS) ulih meri peluang ngagai Sarawak ngiga sereta ngambi minyak enggau gis kediri empu, dalam kandang tasik menua Sarawak.
“Ba pekara ngiga orang gawa ba kompeni tu ila, kitai di Sarawak mayuh rayat Sarawak ke deka gawa ditu. Kompeni Sarawak tentu ngemeratka peluang pengawa diberi ngagai rayat Sarawak
Ba pekara ngiga orang gawa ba kompeni tu ila, kitai di Sarawak mayuh rayat Sarawak ke deka gawa ditu. Kompeni Sarawak tentu ngemeratka peluang pengawa diberi ngagai rayat Sarawak dulu, laban rayat kitai pan deka sama enggau ngereja pengawa O&G. Datuk Amar Abang Johari Tun Openg Kepala Menteri Sarawak
dulu, laban rayat kitai pan deka sama enggau ngereja pengawa O&G.
“Kitai begunaka orang ti landik lalu chara kitai enda tau enda betul. Chara ke dikena aku iya nya kompeni ke diempu nengeri kitai tu deka bekerejasama enggau Petronas.
“Petronas bisi pengelandik lalu kitai mega bisi orang ke landik laban injinir kitai bisi gawa enggau kompeni minyak enggau gis bukai,” ku iya.
“Nya alai orang enggau organisasyen ke baka tu mih ti diguna kitai ngambika kitai sama ulih nyingkang ke mua. Nengah tu mega, kita ulih ngadaka pengawa puang ung- kup rayat Sarawak,” ku iya.
Dalam kompeni PETROS tu ila ku iya, asil tauka penguntung ke di ulih ari O&G tu deka dikunsi enggau kaban kunsi kompeni tu nitihka penyampau ekuiti sida dalam kompeni.
“Kaban kunsi enggau kompeni tu deka bulih dividen sida empu nitihka penyampau ekuiti sida dalam kompeni. Kitai enggai nyadi rangka, laban tu bekaul enggau pengawa dagang, tentu bisi ekuiti, udah nya dividen dibagi ila nitihka ekuiti, baka model dagang bukai,” ku iya.
Rega puku rata minyak diatu dalam entara USD22 ngagai USD24 sebarrel (nitihka ungkus).
“Nyema kitai (Sarawak) tetemuka O&G ba tasik menua tu, lalu dijual kitai enggau rega USD50 se barrel, kitai pan agi bisi mayuh untung, nya nyadi pemisi menua,” ku iya.