Nama kebuah dividen ungkup pemenggi tanah NCR mimit?
SPRM dipinta mansik pekara tu berindik ari raban penyereta projek begempung nerima bayar ke mimit
KUCHING: Komiti Nagang Makai Suap Malaysia (SPRM) diansak ngambika mansik penguntung (dividen) ti kelalu mimit dibayar ngagai orang ke bempu tanah Hak Adat Bansa Asal (NCR) ke mega nyadi penyereta projek begempung (JV) ngemansangka tanah NCR enggau ejensi Perintah Nengeri.
Nitih ku Chairman DAP Nengeri ke mega nyadi Kaban Kunsil Nengeri ( ADUN) Kota Sentosa, Chong Chieng Jen madahka orang ke bempu tanah NCR ke nyereta projek nya semina nerima bayar RM90.79 ungkup seikar tanah setaun.
“Aku bisi dipadah maya Aum Kunsil Nengeri (DUN) bedau lama tu tadi, naka 30 September 2015, urung 47 projek begempung enggau pemenggi NCR ti digaga di serata menua Sarawak dalam kandang 60 taun, mungkur pemesai tanah ti dipelabaka dalam 79,565 hektar sereta pemayuh orang ke bempu tanah nya urung 13,952 iku.
“Ari pemungkal projek begempung tanah NCR dalam taun 1994, urung RM178.5 juta dividen (ti diberi dalam wang) udah dibagi ngagai penyereta projek,” ku iya madah ngagai pemberita lebuh dikerandau di Opis SPRM Sarawak ditu, apin lama ke udah.
Iya madah, ba pekara nya baka ke udah diitung iya, urung pupu rata 10 taun sereta penguntung RM178.5 juta mungkur urung 196,602 ikar, reti nya dividen dibayar ngagai sida ke bempu tanah NCR nya semina RM907.92 ungkup seikar tanah dalam timpuh 10 taun tauka semina RM90.79 seikar tauka RM7.56 sebulan ungkup seikar.
“Enti kitai mandingka penyampau tu enggau pemujur kompeni kebun sawit, iya
“
Kelalu mayuh bida dipeda antara penyampau pupu rata penguntung kompeni kebun dandang besai sereta bayar ke kelalu mimit ungkup sida ke bempu tanah, kami melabaka bisi salah guna kuasa tauka ulah makai suap dalam
” projek begempung tu. Chong Chieng Jen Chairman DAP Sarawak
diperatika kelalu mimit.
“Penguntung kasar pupu rata kompeni kebun sawit nya setaun dalam timpuh 11 taun enggau penyampau RM1,666.84.
“Kelalu mayuh bida dipeda antara penyampau pupu rata penguntung kompeni kebun dandang besai sereta bayar ke kelalu mimit ungkup sida ke bempu tanah, kami melabaka bisi salah guna kuasa tauka ulah makai suap dalam projek begempung tu,” ku iya.
Berindik ari nya, Chong ti mega nyadi Chairman Parti Tindakan Demokratik (DAP) Sarawak sereta Kaban Parlimen Bandar Kuching udah nganjung surat bekaul enggau pekara nya ngagai Direktor Opis SPRM Sarawak ditu, ensana minta komiti nya mansik penuh pekara nya antara orang ke bempu tanah enggau kompeni-kompeni nya.
“Peluang komersial tanah NCR Dayak udah disalah guna ketegal pemerat kompeni kroni tu, ke ngujungka orang ke bempu tanah tu majak idup merinsa.
“Utai kedeka kitai, iya nya Sarawak Ungkup Orang Sarawak aja, lalu ukai semina ke sekeda ruang bilik baka ke digaga Perintah BN (Barisan Nasional),” ku iya.
Sama bisi nyereta pengawa nya, ADUN Pending, Violet Yong, Mandal Chairman DAP Sarawak Leon Jimat Donald, kaban Dayak dalam DAP, iya nya Richard Lias, Frankie Bedindang enggau Douglas Alau nyengkaum peribit sekretari Chong, Abdul Aziz Isa.