Nengah saup Pasar Tani pemekal berentayan muntang ngulihka untung, penguna mega bulih bekal ti bekualiti
KUCHING: Ba taun 2014, Program Pengukuhan Bekalan Ladang Kontrak (PBLK) MoAkePasarTani(KUKUH) ngagai makit chakah dikerembai, dikena nentuka asil bekualiti ari ladang terus datai ba penguna.
Menteri Muda Betanam Betupi Moden ( Pemansik enggau Dagang) Datuk Mong Dagang madah, nambahka nya penguna mega deka teulihka rega ti senipak sereta pengeluar deka teulihka penguntung.
“Ba taun 2014, Program KUKUH ke makit chakah dikerembai dikena nentuka lebih mayuh asil ari ladang datai ba penguna nengah pasar tani, GBBS (Gerai Buah-buahan Segar), Agrobazaar enggau ‘outlet’ renchit FAMA.
“Chara tu ngemuntangka penguna teulihka bekal nengah rega ti senipak lalu pengeluar mega teulihka penguntung ke menuku seraya nyungkak penatai pemisi
“
Chara tu ngemuntangka penguna teulihka bekal nengah rega ti senipak lalu pengeluar mega teulihka penguntung ke menuku seraya nyungkak penatai pemisi
” sida. Datuk Mong Dagang Menteri Muda Betanam Betupi Moden (Pemansik enggau Dagang)
sida,” ku iya.
Mong mansutka pekara nya lebuh bejadika Seminar Ladang Kontrak dan Program Kukuh Renggat Nengeri Sarawak Taun 2014, ti diatur MoA ba sebengkah hotel ditu, pagi kemari.
Nitih penerang iya, ba taun 2012 bisi 39 pengeluar nyereta Program Jualan Terus ke Pasar Tani enggau penyampau asil RM636,655 sereta kuantiti 248 metrik tan.
Ari nya bisi 234 pengeluar ti nyual nengah 47 iku pemasar di pasar tani enggau penyampau rega diberi RM1.5 juta sereta enggau kuantiti 834 metrik tan, ku iya.
“Ba taun 2013, bisi 22 iku pengelaur ti nyual terus asil ngagai 25 pasar tani nengah penyampau RM695,978 sereta kuantiti 2,119 metrik tan.
“Ba taun ke sama mega bisi 372 iku pengeluar terus nyual asil nengah 76 iku pemasar di pasar tani ti nengah rega beli RM4.336 juta sereta kuantiti asil sepenyampau 13,201 metrik tan,” ku iya.
Kelimpah ari nya lebuh ngenang program ladang konterik ti berengkah dipejalaika dalam taun 2006 ( RMK- 9), Mong madah, program nya deka terus dipejalaika ba RMK-11 ila.
Iya madahka program ladang konterik nya nitihka konsep MoA Inc. enggau kerejasama semua ejensi sereta opis di baruh MoA baka Opis Betanam Betupi, FAMA, AMRDI, IADA Samarahan, IADA KalakaSaribas- Betong, Lempaga Perindustrian Nanas Malaysia, Agrobank enggau TEKUN.
Ku iya nengah program tu mayuh bengkah bantu bisi disediaka ungkup raban ke ditagit nyengkaum pengeluar, orang bejual enggau pengguna.
Program ladang konterik dikena mantu orang bumai bekebun ngenyungkakka asil sayur enggau buah ti bekualiti sereta senipak enggau peminta makit,kelimpah ari ti meri kelala mayuh macham teknologi pemadu baru, ku iya.
“Tuju Program Ladang Konterik dikena nambahka makit sereta ngenyungkakka penatai pemisi orang bumai bekebun tauka pengeluar, nambahka asil tanam, nentuka asil nya bekualiti sereta ngangkatka pengawa nguna teknologi baru entara pemekal berentayan.
“Berengkah ari taun 2006 ngagai Disembar 2013 penyampau penyereta serata menua bisi 34,822 iku orang bumai bekebun ti mungkur 58,954 hekatr pemesai tanah sereta dipelabaka penyampau asil 2,546,824 metrik tan tauka RM4.596 billion.
“Lalu penyulut nengeri Sarawak dalam program tu dalam timpuh ke sama iya nya naka Disember 2013 bisi 2,937 iku pepenyereta tauka orang bumai bekebun mungkur pemesai tanah 3,513 hektar,” ku iya.
Bela bisi ngulu atur pengawa nya kemari, Sekretari Mendam Opis Menteri Betanam Betupi Moden Datu Dr. Ngenang Jangu sereta ke bukai.