Karaja monginsonong ralan suminiriba timpuunan wulan Kotolu
KENINGAU: Karaja ngawi monginsonong ralan sumiriba id Ralan batu 26 om Batu 27 maan potimpuuno ontok wulan Mac tabantalan.
Kumoduo Boyoon Montiri ih nogi Montiri Kotundaan Infrastruktur
Tan Sri Joseph Pairin
Kitingan minoboros do poruntukan goduwo-duwo kopongumbasian ralan diti kopohompit do kiginumu RM5.4 riong.
Noboros disio ahal dilo kuminaa monunurat abar kalapas kinakapan doid kadai ngawi kakadaian Keningau kopinamot Pangaramitan Toun Wagu Sina 2018, hiti di tadau Kaapat nakatalib.
Pairin ih nogi Puru Parlimen Keningau minoboros do nokopomongo nogi o bogian porinta do iso sunsuyon kawawagu id 0.40 Kilometer Bawang Bariawa poingoros Tamu Ground ih nokoponolon balanja RM2.15 riong montok minongolon do sunsuyon di nakalaid.
Pinatarang dau, sunsuyon wagu diti nopo nga iso kagu kounalan ih pinatahak do porinta kumaa rayat id watas diti.
Kokomoi abaabayan ih pinaharo diti ka dau, ilo nopo nga ‘platform’ montok popisompuru do potitikid tinaru miampai au mongiro bansa om agama suai mantad minsomok kobolingkangan ih notoguang di moniaga ngawi.
Nokotindapou nogi ih Panakadai Montiri
Sunsuyon wagu ih nopongo minonsoi id Bawang Bariawa poingoros Tamu Ground.
Pomutanaman om Pomorunan Taakanan Datuk Haji Sairin Karno, Monunurat Komontirian Winakas, Teknologi otomou om Waig Datuk Daniel Datuk Kinsik, Upisor Watas Keningau Haji Yusop Haji Osman, Boyoon Komulakan Umno P.180 Keningau Nik Nazri Nik Zawawi, Kumoduo Porosiden Parti Bersatu Sabah (PBS) Senator Datuk Hajah Jamilah Sulaiman, Kumoduwo Boyoon Umno Bogian Keningau Datuk Annuar Ayub Aman, Porosiden Lamin Poniagaan Tionghua Keningau Raymond Koh om momuruan ngawi mogigion suai.