Minsodu umampai susuap, koubasanan pironitan mositi haro montok toinsanan pakakaraja porinta - Adenan
KOTA KINABALU: Gatang pironitan nopo nga iso koubasanan di pointantu kumaa toinsanan pakakaraja tulun ginumuan montok popotilombus do ‘imej’ tosonong om kotumbayanan mantad tulun ngawi.
Boyoon Monunurat Komontirian Kotos Tulun Datuk Seri Adenan Ab. Rahman minoboros do sosongulun dilo mositi haro kamampuan montok sumaan tonggungan om ‘akauntabiliti’ minsodu tinan mantad koompit miampai kaparagatan susuap, kasala momoguno kuasa om ponombirangan.
“Tumaru Koidu Susuap nopo nga kopoinsomokan pinointutun di Tinan Monorina Momunso Susuap Malaysia (SPRM) ih manahak koposotolan kumaa tumaru ih wonsoyon di kopomuruanan toiso-iso tinan ih minsingubas do koubasanan olidas om kapaamungan gatang ngawi olidas di ogirot kopio,” ka dau id Abaabayan Tumaru Koidu Susuap Koupisan om Agensi id suriba Komontirian Kotos Tulun id Sabah, koniab.
Minoboros isio do laang kopomuruanan komontirian diti om pakakaraja ngawi diolo sumain tumaru dilo otopot kopio kopokito do kotopotan, komitmen karaja om kouhangan montok kumaraja id koyuon di olidas om koidu susuap.
Ka dau miampai kopongubasanan ‘slogan 1 Kenal-Salam Mesra’ (1KSM) ih pinointutun di kawawagu, laang ngawi popoingkawas do gatang koyuoyuon ginawo om olidas asanang momodimpot.
“Nung sokiro ko olidas o pomusarahan kaanu doti iyolo manahak kotorinaan om ‘ekspektasi’ tombului om kaanu popoingkawas mantad timpu doid iso timpu.
“Kopongubasanan gatang ngawi 1KSM diti kaanu mongingkudi do piwolitan pialatan iso om suai di obuli papaharo do sunduan pisokodungan di tawakas,” ka dau.
Nokotindapou nogi id abaabayan dilo nga Potunud SPRM Pogun Sabah Datuk Sazali Salbi, Monunurat Pisompuruan Sabah Datuk Nor Rizan Mohd Thani, Potunud Koupisan Winakas Karaja Sabah Kamal Pardi om tombului tapantang ih suai. SEMPORNA: Noihaan no pulis o ‘sindiket’ ih momuu’an kapaagatan mogohimu mogovit sumuvang dadah id uvang diti, sumusuut kinahantazan kinagakaman 15 ‘suspek’ kaamung pinamahaua’n kiikila 60 gram syabu.
Kapaagatan ‘sindiket’ dino nokomoi nouga mozo ‘Ops Sarang Bersepadu’ kopoompit do pinisokodungan pulis IPD Semporna om Agensi Anti Dadah Kabansaan (AADK) Semporna.
Suspek ngavi ih nagakom kaampai mantad 14 kusai om songuhun tondu kapaamung do mogisusuvai kahasaan kikoompitan kahasa momoguno dadah, om nogi 20 kes nukaban montok soizukon.
Huguan Pulis Uvang Semporna Peter Umbuas minoboos do Koupisan Ponoizukan Jenayah Narkotik IPK Sabah om IPD Semporna maganu haang tapantod mongipop ‘sindiket’ koompit.
“Pogonuan haang tumanud koobian Akta Dadah Kohigogon (ADB) 1952 toi ADB (Haang ngavi Pomunsaan poimbida) 1985,” ka disido doiti koniab.
Minoboos zi Peter do papanau kalaja misompuu ih binuu’an disido sondii dino pinapanau di tadau Kotohu id jam 12.01 minsusuvab gisom jam 6 sosodopon miampai manaak pongintongan doid boogizan kikotumbazaan apaagat kahasa momoguno dadah.
Tumanud disido, duvo suspek papatazad dadah om hobi 50 gram syabu na’au kiikila jam 12.10 minsusuvab asil pinonugkuan id iso hamin aiso numbul, id Kampung Halo.
“Goduvo-duvo suspek minogidu daa miampai tuminuun id daat, nga nakaanu minamagakom om asil pinomolisaan id daamin nokokito tokou do sampul suat id savat meja.
“Sampul suat dino kisuvang iso paket plastik kivaa syabu kikotumbazaan kihoogo RM6,000 tumanud dagang otuvong kinoizonon,” ka disdo.
Minoboos isido do goduvo-duvo suspek tuhun songkosuvazan (30 om 40an) dino noihaan aiso suat kointutunan tinan om kikotumbazaan kuminam papatazad dadah id kakampungan poingompus tisan daat.
Goduo-duvo suspek baino tinaan reman sohinaid tuu tadau om soizukon tumanud Seksyen 39B ADB 1952 ih kopongobit ukuman mandatori givison gisom oduso.
Nataan nogi songuhun vagu tuhun songkosuvazan ih nogi suspek papatazad dadah, 30-an id Kg Bangau-Bangau, miampai kiikila 7.80 gram dadah kavo syabu.
Kinagakaman suvai, apat kusai om songuhun tondu ih noihaan kivaa syabu om tuu kusai sabap kikotumbazaan do pinoposuvang do dadah id suvang tinan sondii.
Pinonoizukan pulis kumaa saavi-avi suspek dino nokomoi ukabon tumanud Seksyen 12 (2) ADB 1952 (kivaa dadah) om Seksyen 15 (1) (a) ADB 1952 (minaganu dadah).
Noihaan do pulis o ‘sindiket’ momuu’an kapaagatan mogohimu dadah id Semporna