Puu momumutanom unsubon popogumu paapuvan
PITAS: Kumoduvo monijol tagazo Boogizan Kotoinaan Pisompuuvan Momumutanom Pogun Mohd Yuslie Mohd Yusof minonuu do puu Momumutanom Kinoizonon do misakadai Pisompuuvan Momumutanom do humantoi.
Ka disido, Pisompuuvan Momumutanom Kabansaan (NFAS) nokoponoodo pipio pahapa komponi id siibo NAFAS miaga NAFAS Feedmill id Johor montok ponodaan takaonon tazam.
Koduvo,NAFAS Media Sdn Bhd tinood sabaagi komponi kotouhuzan om padagangan, kotohu NAFAS Sialin Sdb Bhd tinoodo montok papadagang asil lumun pilit om porjik mananom ganudm bajirin id Muar Johor id nombo projik diti agazo montok momonu kogunaan id Malaysia.
Ka disido, NFAS nga nokoponoodo projik iso kilang id Samalaju, Sarawak montok baja gunoon id pogun diti.
Ka vagu disido, NAFAS nga manaak sakadai kousinan kiginumu RM3,000 kumaa PPK Pitas gunoon pappanau Pitimbungakan Tagazo Tounan dosido om RM5,000 montok balanja panamba Abaabazan Sodop Huminodun Kaamatan om Pesta Bengkoka 2017.
Mohd Yuslie nopo nga hinansan dii Kumoduvo Ponikoon NAFAS Mohd Nazri Abdullah minogukab Pitimbungakan Tagazo Tounan ko-23 OPisompuuvan Momumutanom Kinoizonon (PPK) Pitas id Hintuun Togumu Kogunaan doiti, dii kavavagu.
Poguhu i, ponikoon PKK Pitas, Datuk Ng Loi Teck minoboos, sundung potuu pisompuuvan momumutanom kaanu kotundaan om kaanu monongkibaai, popogiot pionitan tavasi om momoguno sunduvan mogisasakadai miampai puu hohoobi puu potunud om boogizan kotoinaan.
Ka disido, sunduvan 3.200 tuhun poinpuu momumutanom Pitas nga makin minsavat om ditoun nakatahib usin saham nokoinsavat kumaa RM150,000 om toinsanan usin poingopi om mitunui nga nokoinsavat.
Ka vagu disido, PPK Pitas nga mamalan popogumu abaabazan papadagang om papabaagi vagas naamot popoinsavat pananaman puntu.
Dii toun, ka disido PPK Pitas nokotoimo sakadai zakat kiginumu RM15,000 mantad NAFAS om ingkaa nogi montok dii toun nakatahib PPK Pitas nokotoimo sakadai om iso i ginumu usin.
Ng ponoogi timbang polosidin Hongkod PBS om huguan boogizan PBS Pitas minoboos, dii kavavagu PPK Pitas nokotoimo usin kiginumu RM88,000 mantad NAFAS maza dii Datuk Mohd Nazri montok puu momumutanom i nohizudan tampat pomutanaman dioho.
Id abaabazan naaitkivao nogi pinanaakan vava om pomohogaan kumaa puu momumutanom i togumu nakaapu, noikot pinusik om suvai sabaagi iso pogunsuban kumaa puu momumutanom do tumihombus popobuu abaabazan om papatanom koulalaho kotoboi monongkibaai id pogisusuvazan montok kahantazan sondii.
Nokotindapou nogi i DO Pitas, Bubudan OT Majalu, Fetri Haji Yahmin PPN Sabah, prisidin Dato’ Seri Dr Rudy Awah, monijol tagazo PPK Pitas, Nordin Abas, ponikoon Pisompuuvan Momumutanom Kota Marudu, Datuk George Sangkin, monijol tagazo PPK Kota Marudu Janes Kansiong, huguan upis kopolintaan om ponikoon NGO uvang Pitas.