GADREVI NA VALE NI WAI KEI NA SITESI NI OVISA ENA YANUYANU O MOCE

Esa tomani tiko ga na veivakararamataki ena Yasana o Lau mai vei ratou na Tabana Ni Lavo Ni Matanitu na kena sikovi toka na veiyanuyanu lalai ena Yasana o Lau. E nai ka 28 ni vula o Maji era a laki veitalanoa kei ira na lewe ni yanuyanu o Moce ena vuku ni kena sagai mera na veivakararamataki na lewe ni vanua me baleta nai tuvatuva ni matanitu on Viti ena loma ni yabaki sa tu e matada. E levu sara na veika era gadreva ka ra kauta cake mai na lewe ni yanuyanu o Moce ena vuku walega ni kena sagai na kena maroroi na nodra vanua ka vaka kina oira na lewena. Ea kauta cake na nodra nanuma na Turaga na Ramasi o Ului Waqalevu Latu nai liuliu ena Yanuyanu o Moce na nodra gagadre ka vakayacori ena koro o Delaimakotu. Nai matai ni ka e ra gadreva sai koya na kena vakadaberi edua na nodra valeniwai me vaka nisa toso cake sara tiko nai wiliwili ni lewenivanua ena loma ni yanuyanu ka ra sa gadreva kina me sana dua na nodra vale ni wai. E dina nisa tiko na veiqaravi ni nasi ena yanuyanu ia era gadreva talega edua na Vuniwai , mai na nodra sauma tale tiko na waqa ni vakalele kina Yanuyanu o Lakeba ena me 2 tale na Yaua , ka ra dau sotava sara na dredre ena gauna ni tau ni uca. E vakaraitaka talega o Waqalevu tu talega na nodra gagadre ena vuku ni kena gadrevi e dua na veiqaravi ena Tabana Ni Lawa ena vuku ni kena sa toso cake nai wiliwili ni lewenivanua ka sa gadrevi na kena lawatu ni tikotiko ka vaka kina na noda vanua. E dua talega na ka e ratou gadreva sai koya na kena gadrevi talega me dua na tower mena vakarawarawa taka na gaunisala ni nodra veitaratara ka vaka talega kina na kena sagai me dua na nodra I kelekele ni waqa. E vakavinavinakataka talega o Mr Waqalevu na Matanitu Cokovata ena vuku ni kena soli tu na gauna vei ira ena vuku ni kena bau rogoci tu na domodra ka vaka kina na nodra gagadre ena vuku ni tuvatuva ni veivakatorocaketaki ena noda Vanua o Viti.E ratou veitomani tale tiko ga na Tabacakacaka Ni Bula ena vuku ni kena tomani tiko ga na veivakararamataki ena vuku ni kena taqomaki tiko ga nodra bula na lewenivanua.