‘Kua ni sikova na wekamu keo lomani koya’

VAKANANUMI keda tale na lewei Viti na turaga na Minisita ni Bula o Vuniwai Ifereimi Waqaainabete.

“:Na manumanua somidi qoka na Coronavirus o keda saka ga na tamata eda kauta.”

“Oya e dua na vuna levu sa dau kerei vei keda mada tiko vakadua ga e vale,” kaya na Minisita ni Bula.

“Ni sega ni rawa nida boka se raica sada na tatarovi tikoga me kua ni tauvi keda.”

“Sa bibi kina meda tiko vakadua ga ena noda bubble.”

“Me kakua tale ni dua eda sureta mai.

“Meda kua tale ni veisiko kina dua tale na matavuvale.”

“Kevaka dou tikoga vakamatavuvale ka tikotani tiko ko tukadratou na gone dou kua ni lai sikovi koya.”

“Baleta oya na gaunaisala eso e rawa ni veidewayaki kina na mate.”

“O keda na itaukei na noda dau veisikovi e baleta nida tuberi mai ena bula ni kauwai kei na loloma.”

“Ia na gauna oqo ni tyiko na mate oqo eda vaulouata tiko na kauawai levu duadua ga mo vakatikitiitaki oya mo kakua ni lako yanaki mo laki vakasokumuni,” kaya na Minisita ni Bula.

“O keda tabusaka yani na itaukei dua na ka edau vakavuna saka tiko noda veisikovi na noda kauawia kei na loloma.”

“Kena ibalebale na loloma levu eda rawa ni cakava vei ira na wekada meda kua ni sikovi ira.

Kaya o Minisita ni Bula meda tukuna vei ira mera kua nimai sikovi keda oya na loloma levuduadua e rawa nira cakava.

“Baleta kera na curu mai e rawa nira kauta main a mate se da curu yani e rawa nida kauta yani vei ira na mate.”

“Me yacova na gauna sa seavu kia na manumanu ni mate oqo ena noda vanua nida cakacaka vata sa na qai rawa ni da tekivu tale meda lakova tale yani na veika eda dau marautaka tu.”