Аб недахопах у планаванні стратэгічных праектаў заявіў Аляксандр Лукашэнка
20 кастрычніка Прэзідэнт Беларусі сабраў нараду па пытанні ўдасканалення сістэмы планавання і кантролю за рэалізацыяй стратэгічных праектаў.
Кіраўнік дзяржавы падкрэсліў значнасць такіх праектаў.
– Гэта будучыня нашай краіны. Шокавая перанастройка ў сусветных палітычных, эканамічных, фінансавых адносінах пабуджае кожную краіну думаць не толькі аб ахоўных і кампенсуючых мерах. Трэба падлічваць стратэгічныя перспектывы развіцця нацыянальнай эканомікі. Гэта значыць, глядзець у будучыню, – заявіў Прэзідэнт.
Пры гэтым ён звярнуў увагу на яўныя недахопы ў гэтай рабоце. – Але трэба прызнаць, што рэальны сектар эканомікі масава выкарыстоўваць працы вучоных чамусьці не імкнецца. Да вытворчасці даходзяць не ўсе новыя распрацоўкі. Так, мы пабудавалі атамную станцыю, БНБК, выпускаем буйнейшую на планеце кар'ерную тэхніку, ёсць касмічныя праграмы, распрацоўваем і выпрабоўваем прадукты інавацыйнай біямедыцыны, якія не маюць сусветных аналагаў. Аднак за іх узяліся толькі з падачы Прэзідэнта, – сказаў Аляксандр Лукашэнка.
Аляксандр Лукашэнка нагадаў, што яшчэ вясной даручыў ураду, Акадэміі навук і свайму памочніку Аляксандру Косінцу прапрацаваць тэму стварэння ў краіне так званага мазгавога ядра, здольнага ацэньваць і курыраваць маштабныя праекты. Дарэчы, такія праекты ўжо вызначаны.
Урад прадставіў кіраўніку дзяржавы варыянт з дзвюма асноўнымі структурамі: цэнтрам, які напрацоўвае ідэі і падлічвае іх эканамічны эфект, і саветам, дзе прымаюцца рашэнні аб жыццяздольнасці і актуальнасці такіх ідэй.