Больш за 20 «Буслоў»! А колькі здольных да палёту?
У канцы 2014-га былі падведзены вынікі ііі рэспубліканскага конкурсу тэатральнага мастацтва «нацыянальная тэатральная прэмія». Гаварыць пра гэту падзею хочацца калі не на мове тэатра (літаркі на паперы – на жаль, не сцэнічная пляцоўка), дык хаця б у нейкай набліжанай да тэатра форме. абрысы п’есы (пралог, дзве дзеі з думкамі ў антракце, эпілог) выкарыстоўваліся ў артыкулах і інтэрв’ю так часта, асабліва ў 80-90-я гады мінулага стагоддзя, што хочацца пашукаць чагосьці іншага. Хай гэта будзе, напрыклад, аддаленае ўяўленне пра сам пастановачны працэс: як нараджаецца новае, «сваё» прачытанне? якую яно мае перадгісторыю, сюжэтную аснову, склад удзельнікаў?
нальнай тэатральнай прэміі ў 2012-м чатыры пераможныя статуэткі Гродзенскага абласнога тэатра лялек за «Пікавую даму». Цікава і тое, што галоўныя пасляконкурсныя спрэчкі і абмеркаванні тычыліся не столькі вынікаў (амаль усе пагаджаліся з іх справядлівасцю), колькі – саміх прынцыпаў адбору спектакляў, удасканалення Палажэння і самога правядзення конкурсу.
У 2014 годзе конкурс прайшоў у новым фармаце – не праз год, а праз два (такі тэрмін захаваецца, на жаль, і надалей, хоць больш лагічным было б падвядзенне вынікаў кожнага тэатральнага сезона паасобку). З новымі намінацыямі (бо ўсе пагаджаліся, што драматычныя, лялечныя і музычныя спектаклі павінны сапернічаць з сабе падобнымі, а не ўсе разам). З рэзка абмежаваным складам ажно трох журы (калі раней журы было агульным і аб’ядноўвала больш за сотню чалавек, з прадстаўніцтвам ад кожнага тэатра краіны, дык цяпер – у дзесяць разоў менш, але асобна па драме, ляльках і музыцы). З новай прызавой статуэткай (раней была «Купалінка» – дзяўчына ў вяночку, цяпер – «Бусел» з раскінутымі крыламі, што нагадваюць тэатральную заслону). Праўда, тую самую птушку камісія разглядала яшчэ ў 2011-м і тады ж яе адхіліла: маўляў, вобраз бусла – надта ўжо збіты, традыцыйны, а крылы асацыююцца з развешанай бялізнай.
Захаваўся прынцып вылучэння: заяўкі з месцаў (сёлета іх было 37), іх далейшы