Maskë e re dhe objektiva të vjetra, Mbape: Jam unë që duhet të rris nivelin
Statuja e dyllit ndihmon për mbrojtësen e kapitenit të Francës
Pas disa tentativave të pasuksesshme dhe ankesave të shumta, Kilië Mbapesë i është dorëzuar një maskë e re të cilën e ka përdorur në stërvitjen e djeshme dhe me gjasë do ta ketë edhe sot kundër Spanjës. Kapitenit transalpin iu bë mbrojtësja e re në bazë të skanimeve të fytyrës dhe kafkës që i ishin bërë vitin e kaluar, kur ai pati pozuar për statujën e dyllit e cila prej majit qëndron e ekspozuar në ambientet e muzeut “Madame Tussauds” në Berlin. Në Francë shpresojnë që sulmuesi të jetë më komod me pajisjen e re e cila do të jetë e zezë gjithashtu pas UEFA nuk lejon që lojtarët të zbresin në fushë me aksesorë që përmbajnë
ngjyra apo logo të çfarëdo natyre. Kujtojmë se maskën që ka përdorur deri në ndeshjen me Portugalinë e kishin provuar edhe shokët e tjerë e të gjithë kishin hasur vështirësi me diapazonin e shikimit.
ENTUZIAZËM - Pavarësisht një paraqitje tjetër zhgënjyese si ajo me Portugalinë gjatë së cilës edhe u zëvendësuar, Kilië Mbape është shfaqur shumë
i lumtur me kualifikimin e skuadrës së Francës në gjysmëfinalen e Euro 2024. Megjithatë, 25-vjeçari shpreson të jetë vendimtar kundër Spanjës sot në mbrëmje për të ndihmuar skuadrën për të arritur e fituar një finale kampionati Europian pas asaj të humbur në shtëpi në vitin 2016. Autori i një turneu zhgënjyes, Mbape synon mbi të gjitha të ruajë entuziazmin e
kualifikimin në grumbullimin e Francës. I intervistuar nga faqja e Federatës, ai ka deklaruar: “Kur je kapiten, duhet ta kapërcesh problemin personal dhe ta ruash gjithmonë atë përfshirjen e zakonshme me grupin. E di mirë sa pritej nga unë në Europian, po ashtu siç e di që kam shënuar vetëm një gol, por jemi në gjysmëfinale dhe jam ende shumë i lumtur”.