Luajti i dëmtuar, Mbape “tremb” Francën
Më takon mua që të përshtatem me Mbapenë", komentonte Antuan Grizman në konferencën për shtyp pas ndeshjes miqësore me Kanadanë që përfundoi me rezultatin 0-0 dhe la shumë dyshime për "Gjelat" vetëm 6 ditë nga debutimi kundër Austrisë. Me shumë mundësi, suksesi i skuadrës së Deshamp do të kalojë nga kombinimi i dyshes Kilië-antuan. Pa Mbapenë, i cili kishte probleme në gju pas një goditjeje të fortë që mori në miqësoren me Luksemburgun. Deshamp e vendosi lojtarin e Atletikos në rolin e organizatorit të lojës në një skemë 4-4-2 duke qenë si sulmues i dytë pas Zhirusë. Eksperimenti nuk funksionoi. Grizman luajti në Katar me një pozicion më të tërhequr, praktikisht si mesfushor dhe me këtë lëvizje ekipi francez arriti që të shkonte deri në finalen e Botërorit. Dhe me shumë mundësi, me rikthimin e Mbapesë, Grizman do të sposohet sërish. E sigurt është që Franca nuk mund të bëjë dot asgjë pa Mbapenë në Europianin e
Gjermanisë. Nuk ishte e planifikuar që të luante kundër Kanadasë, por trajneri e zbriti në fushën e lojës në pjesën e dytë dhe në fund, për pak sa nuk i dha një fitore skuadrës nga ato të tijat. Gjithashtu nuk shfaqi probleme në asnjë nga vrapimet e tij. Megjithatë,
te Franca janë shumë të vëmendshëm që të mos i japin shumë ngarkesë dhe të bëjnë kujdes.
RIKUPERIMI - Çështja tani lidhet me faktin që Mbape të vijë në kushtet më të mira të mundshme përpara debutimit me Austrinë. Stafi teknik i trajnerit është i vetëdijshëm për sezonin e vështirë që ka kaluar ylli i tyre, madje që e pranoi edhe vetë përpara miqësores së parë. Në atë deklaratë akuzoi PSG-NË që e ka penalizuar të jetë në formë. Për këtë arsye janë kujdesur maksimalisht dhe e kanë pasur në vëmendje. Që në ditët e para
të grumbullimit, Mbape mungoi për shkak të një problemi në shpatull, por ia doli që të luante në miqësoren e parë 90 minuta dhe të shënonte gol.
SHQETËSIM- Kur kanë mbetur edhe pak ditë nga ndeshja e parë e Europianit, e cila është shumë e rëndësishme për fatet dhe vazhdimësinë e kampionatit, Franca i ka sytë nga Kilië Mbape. Ylli duhet të marrë përdore ekipin dhe ta çojë drejt majës. Kur ai mungon, "Gjelave" u humbet shkëlqimi. Për këtë arsye duhet të rikuperohet në kohë për të qenë në 100% të formës.