Bajerni, gati 23 mln euro për Alonson Vetëm argjentinasi Diego Simeone i Atletiko Madrid qëndron më lartë në fitime
Kampionët e Gjermanisë nuk njohin limite për trajnerin iberikas, hapin “thesin”
Përgatit: SAIMIR MBËRSI
Sezoni i vështirë në ka mpin e Bajern Mynih ka dhënë sinjale të qarta te bordi i rekordmenëve gjermanë. Sipas raportimet nga “The Mirror”, shefat e kampionëve të Bundesligës janë gati t’i ofrojnë 23 mln euro në sezon Ksabi Alonsos. Iberikasi do të thyente rekord në pankinën e Bajernit. Aktualisht Tomas Tuhel përfiton 12 mln euro në sezon, çka do të thotë gati dyfishim i pagës. Kjo “çmenduri” financiare po përdoret si “gur” në bindjen e Alonsos, i cili është i dyzuar mes bavarezëve dhe Liverpulit, pa anashkaluar edhe qëndrimin në Leverkusen përtej verës. Trendi i ciklit 20232024 të bën të kuptosh se gjigantët nga Mynihu i kanë “dorëzuar shpresat” për të mbyllur sezonin, qoftë edhe më një trofe të vetëm. Njoftimi i largimit të Tuhelit pasqyron edhe hapjen e “ankandit” për pasuesin në “Allianz Arena”. Zinedin Zidan dhe Antoni Konte shikohen si konkurrentët e Ksabit. Ecuria fantastike e Bajer Leverkusen në të gjithë frontet dëshmon punë fenomenale të Alonsos. Edhe pse me ekipin aktivizohen futbollistë të kalibrit mesatarë, tekniku 42-vjeçar nuk e ka njohur humbjen në 33 ndeshje radhazi me “aspirinat”, rekord për një klub gjerman.
“Faraonikët”-diego Simeone kryeson “stafetën” e trajnerëve më të paguar në botë. Argjentinasi në “timonin” e
Atletiko Madrid përfiton 34 mln euro në vit, askush nuk e konkurron në këtë kategori. Nëse Ksabi Alonsos pranon propozimin e bavarezëve, ai do të pozicionohet në vendin e dytë, duke lënë pas krahëve Guardiolën e Mançester Sitit. Pep merr te “qytetarët” 22.4 mln euro. Më pas vijnë Jurgen Klop (Liverpulit), Masimiliano Alegri (Juventus), Tomas Tuhel (Bajern), Karlo Ançeloti (Real Madrid), Simone Inzagi (Inter), Niko Kovaç dhe Ksavi Hernandez. Paga e Ksabit në gjirin e kryesueseve të Bundesligës nuk e kalon 5 mln euro.