Florenci: Milan ambicioz, ja e vërteta me Piolin “Milani futet të synojë maksimumin, arbitri më kërkoi që...”
Po përjeton një rini të dytë, mbrojtësi analizon sezonin
Përgatiti: REINOLD BAKALLI
Në momentin e zëv endësimit u pa një përqafim me Piolin dhe më pas një e shtyrë nga trajneri që ishte i fokusuar te ndeshja. Shumë media polemizuan për veprimin mes trajnerit të Milanit dhe Alesandro Florencit, por ka qenë ky i fundit që ka sqaruar gjithçka në një intervistë për televizionin e klubit.
Keni ndjesinë se këtë vit nga pikëpamja e kritikave keni marrë shumë në krahasim me atë që keni ndërtuar në fushë?
Mund të qëndrojë. Pa penallti në minutën e 97-të, PSGJA humbi ndaj Ren. U kritikuam se humbëm 3-2, por pavarësisht rezultatit ne e kishim siguruar kualifkimin. Në jetë ka nevojë për ekuilibër në gjithçka, kur fitohet dhe humbet. Nuk kishte shumë ekuilibër ndaj nesh. Ne duhet të jemi të fortë dhe të vetëdijshëm se ajo që është jashtë grupit tonë mbetet jashtë.
Edhe Leao kritikohet shumë. Mos vallë lexon shumë gazeta?
Sipas mendimit tim, po. Ai duhet të jetë i qetë, ai e di se cila është forca e tij. Rafa ka një ekip pas vetes që do ta shtyjë gjithmonë edhe kur të gjithë i thonë se nuk është i vazhdueshëm, ose nuk është në standardin e kampionëve të tjerë. Ai e di se sa shumë duhet të punojë për të arritur atje. E rëndësishme është që ai shënoi në kampionat.
Cili është pozicioni juaj i vërtetë?
Varej nga kush më sfidonte. Kur ishte Ederson u ngrita, me Ruxherin rrija pas ose brenda fushës. Me Benaserin dhe Pulisiçin gjeta pak më shumë hapësirë. Mendoj se kam cilësitë e duhura për të siguruar që krosimet e mia të jenë vendimtare për shokët që të shënojnë.
Ajo e Atalantës, a ishte penallti?
Isha pranë arbitrit Orsato, fola me të dhe e pamë qartë që Holm nuk ishte goditur me shkelm në fytyrë. Madje Orsato më tha që Zhiru e kishte goditur me shkelm në krah. Sidoqoftë e pranojmë, iku tani, edhe sikur të them se ishte penallti bujare, fatkeqësisht nuk ndryshon asgjë.
Ai ndaj Atalantës, apo ndaj Renit është Milani i vërtetë?
Epo, është e qartë që Milani i vërtetë është ai i së dielës, pasi është e qartë se ka
edhe kundërshtarë. Duam të bëjmë të pamundurën për t’i shkuar në fund çdo turneu dhe mund ta bëjmë vetëm si Milan i vërtetë.
Po me Piolin çfarë ndodhi?
Asgjë, donte të shikonte ndeshjen. (qesh)