Tuhel godet bordin: Nuk jam vetëm unë fajtori te Bajerni

Pas dy humbjeve radhazi në Bundesligë, Bjern Mynih do të kërkojë në ndeshjen e sotme kundër Lajpcigut rikthimin në rrjedhën normale, fitoren. Bavarezët ndodhen në situatë aspak të qetë dhe "arsenali" i kundërshtarit nuk jep siguri se do t'i thyejnë lehtë "demat". Trajneri Tomas Tuhel ka bërë detyrën para mediave, duke u ndalur në tema specifike mbi gjendjen e ekipi dhe pikëpamjet të ndryshme.

RIVALI-" Takim vërtet i vështirë kundër Lajpcigut. Rezultatet e fundit kundër tyre falsin qartë se me çfarë kalibri kemi të bëjmë. Koha ta dëshmojë veten jo në qendrën stërvitore, por në ndeshje, ndryshme nga sa ka ndodhur në sfidat e fundit. Ka një diferencë goxha të madhe mes rendimentit në përgatitje dhe prezantimit gjatë dueleve në fushën e blertë. Qartësia e fazës ofensive dhe kompaktësia në prapavijë do na e thjeshtësojë detyrën. Kam besim tek ekipi dhe pres të marrim rezultatin e dëshiruar", tha Tuhel.

GRUPI- "Konard Laimer është rikthyer në skuadër dhe i ka kryer me sukses të gjitha ushtrimet. Me shumë gjasa do të jetë në fushë, por pa ide të qartë rreth minutazhit. Ai vjen nga një lëndim i rëndë, por do të përpiqemi të gjejmë zgjidhjen më të përshtatshme. Përsa i përket të lënduarve, Koman, Boei, Mazraui, Sarr, Gnabri dhe Dejvis janë të padisponueshëm, ndërsa Upamekano mbete i pezulluar. Kam mbetur disi i shokuar nga niveli i Joshua Kimish në takimet e fundit". MARRËDHËNIA ME Lojtarët-"personalisht nuk jam i zhgënjyer me futbollistët. Përpiqem të marr më të mirën prej tyre, ndonëse në momente të caktuara gjërat nuk shkojë ashtu siç kemi

planifikuar", theksoi trajneri gjerman.

LARGIMI-"U realizua një bisedë e shkurtër të martën, ndërsa një ditë më vonë u morr vendimi përfundimtar. Të jem i vërtetë, dua të them me bindje se nuk jam unë problemi i vetëm, por kam përgjegjësi për gjendjen në të cilën ndodhemi.

Jam i pakënaqur nga zhvillimi i skuadrës në tërësi, sigurisht prisja më shumë nga grupi, megjithëse kemi çaluar në marrjen e fitoreve. Gishti nuk i adresohet lojtarëve specifikë", përfundoi Tomas Tuhel. Liga e Kampionëve ka mbetur i vetmi kompeticion ku Bajerni i ka varur shpresat.