Shpërthen Ksavi: Skandal që luajmë të shtunën
Numri një i stolit nuk heq dorë nga gara për titullin
Trajneri
i Barcelonës ankohet për kalendarin
Trajneri i Barcelonës, Ksavi Hernandez ka dalë në konferencën për shtyp para takimit kundër Getafes. Ai ka qenë dukshëm i zhgënjyer që La Liga ka vendosur që Barça të luajë të shtunën (sot), duke mos pasur shumë ditë pushim pas angazhimit të saj të mërkurën në Ligën e Kampioneve kundër Napolit. Ai e ka cilësuar të palogjikshëm kalendarin, ndonëse kundër Getafes e ka bërë të qartë se është një “finale”.
NDESHJA – “Luajmë në shtëpi dhe kemi nevojë për tifozët. Ne kemi nevojë për dashurinë e tyre, është një ndeshje shumë e rëndësishme kundër një Getafe që luan shumë mirë. Ata nuk janë një ekip mbrojtës, ata janë të guximshëm, bëjnë presing lart. Ata kanë marrë pikë në fusha të komplikuara si ‘Metropolitano’. Ndaj tri pikët ndaj tyre janë shumë të rëndësishme për objektivin tonë në La Liga”.
LEVANDOVSKI – “Shifrat e tij janë pasojë e përmirësimit edhe të lojës së ekipit. Ai është përmirësuar dhe ka pasur më shumë mundësi shënimi. Ne sulmojmë dhe mbrohemi në mënyrë më të organizuar dhe kjo u sjell dobi të gjithëve”.
TITULLI NË LA LIGA – “Derisa matematika do të na mbajë në lojë ne do të japim gjithçka. Javën e kaluar i morëm dy pikë Realit dhe 3 Gironës. Nuk do të heqim dorë nga titulli, ndonëse e dimë se është e ndërlikuar”.
GJYQTARËT – “Nuk dua të flas shumë për gjyqtarët. Më shumë dua të flas për Granadën, trajnerin e tyre dhe lojën që ata bëjnë. Trajneri i tyre Havier Bordalas ka bërë një punë të shkëlqyer. Do të jetë një ndeshje e vështirë, por ne duam tri pikët”.
KALENDARI – “Unë mendoj se do të ishte më mirë të luanim të dielën ose të hënën. Por ne duhet të luajmë në orarin e caktuar dhe ditën e caktuar. Personalisht më duket alogjike që të luajmë të shtunën, teksa kemi luajtur të mërkurën në mbrëmje në Ligën e Kampioneve. Nuk e kuptoj vendimin për të luajtur këtë ditë, gjithsesi kjo nuk duhet të na shërbejë për alibi. Ne presim Getafen në shtëpinë tonë dhe duhet të fitojmë”.
LARGIMI DHE PASUESI – “Unë e kam shpjeguar vendimin tim. Mendoj se ishte i nevojshëm për të mirën e të gjithëve, klubit në radhë të parë. Skuadra dhe klubi kanë nevojë për një ndryshim. Skuadra ka bërë një hap përpara. Ne luajtëm më mirë në momente të caktuara. Vendimi ka qenë i saktë. Nuk kam asnjë pendesë. Sa për pasuesin tim, nuk mund të them shumë sepse ky është një vendim që i përket klubit. Duoe dhe presidenti duhet të vendosin. Por e vetmja gjë që mund t’i këshilloj është që trajneri i ri të jetë një trajner me ADN-NË e Barcelonës. Duhet të jetë një vazhdimësi”.
NAPOLI – “Nuk mendoj se Napoli na dominoi fizikisht.
Ndoshta ne nuk i bëmë si duhet detyrat tona pasi kaluam në epërsi. Në vend që të mbanim ritmin, lëshuam dhe i dhamë mundësi Napolit të na arrinte. Gjithsesi sinjalet në tërësi ishin pozitive. Kjo na bën të mendojmë pozitivisht për takimin e kthimit në fushën tonë”.