Erzeni Erzeni trondit trondit Dinamon Dinamon
Bluve u mungon shënjestra, një premio e majme karikoi ekipin e Dedes
Erzeni befason Dina mon në ndeshjen e parë në Shijak, duke e mposhtur minimalisht 1-0 falë një goli të sulmuesit Albi Xhebrahimi në fillimin e pjesës së dytë. Skuadra e Nevil Dedes luajti mirë në "Tofik Jashari" dhe përmes kundërsulmeve iu afrua edhe golit të dytë. Nga ana tjetër, bluve të drejtuar nga Bledi Shkëmbi, edhe pse krijuan disa raste, u mungoi shënjestra para portës, kjo edhe për meritë të Isli Hidit. Pjesa e parë është shumë e luftuar, me raste në të dyja portat, por goli mungon. Kulmi arrin në minutën e 44-t, kur shijakasit pretendojnë për një penallti të padhënë pas rrëzimit në zonë të Raboshtës. Mirëpo, arbitri nuk është i këtij mendimi dhe vazhdon lojën, në një kohë që stafi dhe tifozëria vendëse konteston jo pak. Pjesa e parë mbyllet me shifrat 0-0. Dinamo nis të lëvizë në formacion, teksa në fushë hedh titullarë si kapiteni Ibraimi, por edhe Demirin e Maliqin. Pjesa e dytë do të kishte të njëjtën pamje, me kryeqytetasit që kërkonin të sulmonin, por Erzeni ishte i mirëvendosur në fushë. Raboshta bëhet problematik për mbrojtjen blu dhe në minutën e 55-të, pas një shpërthimi nga mesfusha, jep një asist fantastik te Xhebrahimi, i cili përballë Simonit brenda zonës, nuk fal pas goditjes me të majtën. Dinamo mundohet të reagojë, por mbrojtja shijakase
është e ngjeshur dhe sulmuesit Skuka e Çinedu vuajnë jo pak. Blutë lënë jo pak hapësira dhe është sulmuesi Peqini për Erzenin në minutën e 89-të që mund dhe duhet të kishte shënuar golin e dytë, por ishte mbrojtësi Imami ai i cili shpëtoi gjithçka pas daljes jo të mirë të Simonit.
Erzeni ia del të ruajë rezultatin dhe gjithçka mbyllet 1-0. Mësohet se para ndeshjes skuadra ka marrë edhe një premtim për një premio të majme në rast kualifikimi, teksa përflitet për rreth 20 mijë euro. Megjithatë, më 14 tetor është sfida e kthimit dhe çdo gjë do të vendoset aty.