"Kemi nevojë për tifozët, ja si e fitojmë"

Zinedin Zidan kërkon ndihmë nga tifozët për ta fituar ndeshjen e sotme kundër Barcelonës. Numri një i Realit e di recetën dhe thotë se mund të dalin nga ky moment i vështirë.

Receta- "Zemër, tru dhe bashkim. Duhet të japim shpirtin në fushën e lojës. Do të luajmë një ndeshje futbolli mjaft të bukur".

Mbledhja- "Unë flas me futbollistët gjithmonë. Kur gjërat nuk shkojnë në fushën e lojës, atëherë duhet që të reagojmë sa më shpejt".

Golat- "Nuk jam aspak i shqetësuar, sepse për 4 muaj kemi arritur t'i fitojmë ndeshjet edhe pa Hazardin. Nuk më pëlqen që është i dëmtuar, por ne kemi fituar. Na duhet vendosmëri".

Kros- "Kur një ekip humbet, atëherë gjendet gjithmonë diçka për të bërë polemika. Toni është një nga lojtarët që luan gjithmonë, por nuk mund të themi se e humbëm ndeshjen për faktin se ai nuk luajti. Janë gjëra që ndodhin në një moment të caktuar".

Rezultatet- "Jemi në një moment delikat në shtëpinë tonë, sepse nuk kemi fituar në stadiumin tonë në 3 ndeshjet e fundit. Por kush e kupton futbollin, e di që këto gjëra ndodhin. Na duhet të mendojmë pozitivisht, të mos dëgjojmë ato që thonë të tjerët. Kemi nevojë për tifozët tanë nga minuta e parë deri në të fundit".

Setien- "Për ne, të gjitha ndeshjet janë shumë të rëndësishme dhe jetike. Nuk është vetëm ndeshja e sotme kundër Barcelonës".

Mesi- "E dimë rëndësinë që ka Leo Mesi në një skuadër. Ai është një lojtar shumë i rëndësishëm për Barcelonën, por edhe të tjerët janë shumë të mirë. Ne nuk duhet të mendojmë se çfarë bën Barcelona, por çfarë do të bëjmë vet".

E ardhmja- "Ajo që më intereson është të vazhdojmë të bëjmë atë që kemi nisur. Për të ardhmen time, pyesni të tjerët. Të gjithë e dinë se në çdo kompeticion do të ketë një fitues dhe do të tentojmë të jemi ne".

Nervoz- "Nuk më bën asgjë nervoz. Unë shijoj momentin që po kaloj, por edhe të gjithë situatën. Dua të shoh njerëzit shumë të përfshirë".