Inter, Konte: E dua të egër Lautaron
Këshillat për numrin 10: Duhet të mendojë për të tashmen, jo për Barcelonën
Me lodhje, shumë alarme dhe sak tësime. Megjithatë, të bashkuar me trenin e kreut. Madje, mund të ishte bërë vagoni kryesor dhe të mbante të gjithë prapa: CR7 evitoi parakalimin, por ndërkohë sot, në Bolonjë, qëndron një tjetër mundësi për t’i vendosur në presion bardhezinjtë. “Për mua objektivi është të jemi të besueshëm si skuadër dhe si klub, pra t’u konfirmojmë kundërshtarëve se jemi në rrugën e duhur. Tani situata është shumë më e qartë dhe mund të shpjegohem më mirë te presidenti dhe drejtuesit. Fillimisht jepen disa udhëzime të pjesshme, pas katër muajsh gjithçka kthjellohet. Siç tha Gasperini, të flitet për titull sot është një aspekt mediatik. I njohim limitet tona dhe përpiqemi t’i rregullojmë brenda dhe jashtë fushe”.
Çfarë ndeshjeje prisni të shikoni nesër?
Bolonja është një skuadër me intensitetin si armë kryesore, po kalon një moment pozitiv, pavarësisht frenimit në Kaljari.
Jeni të kënaqur nga progreset e Lautaros? Shqetësoheni se dikush në të ardhmen mund t’jua largojë?
Rëndësi ka e tashmja, duke u bazuar tek aktualiteti mund të ndërtohet e ardhmja. Ka hapësirë të madhe për përmirësim. Duhet të vazhdojë të punojë me mendimin se mund të rritet. Për sa u përket lajmeve të merkatos… Dalin aq shumë… Shqetësimet e mia janë të tjera, jo Barcelona.
Situata aktuale është analoge me atë të Juves në sezonin 2011-’12 kundër Milanit?
Ka një ndryshim të rëndësishëm, atë vit të parë nuk kishim kupat. Mund t’i dedikonim gjithçka kampionatit. Sot luajmë në kampionat, më pas në Champions. Shpenzimi i energjive është i lartë. Duhet të kërkojmë fitoren me lodhje dhe djersë.
Nesër (sot) si do ta shikoni derbin Torino-Juve?
Ne shohim punët tona. Mendojmë për ndeshjen me Bolonjën, duhet të jemi në 100% për të dalë nga “Dall’Ara” me tri pikët.
Si e gjetët skuadrën pas ditës së pushimit?
Me shumë ndeshje afër njëra-tjetrës, nëse qëndron
mundësia për t’i dhënë një ditë pushim për t’u stakuar... Në Angli e kisha vendosur si kusht. Personalisht më pëlqen të punoj, kur jap një ditë pushimi do të thotë se e meritojnë.
E shikoni Matiçin të rëndësishëm?
Nuk mund të flas për
lojtarët e tjerë, do t’u dilja nga respekti lojtarëve të mi. Si për çdo futbollist tjetër që kam stërvitur e kujtoj me pozitivitet.
Çfarë i mungon Lazaros? Huazimi është hipotezë?
Te Herta nuk kishte të njëjtin presion. Do të duhet të kemi durim dhe t’i japim
shansin për t’u nisur nga minuta e parë. Kemi besim tek ai, është një investim prej 20 milionësh që shpresojmë të na japë frytet e shpresuara. Edhe te Sensi investuam, dha përgjigje më të shpejta. Edhe Barela.
VAR-i ka krijuar polemika...
Nuk përdoret njësoj nga të gjithë. Eviton gabimet e mëdha, por vitin e kaluar ishte më pozitiv. Këtë vit nuk e kuptoj metrin e gjykimit. Personalisht do të arbitroja më lehtë me një strukturë prapa që më korrigjon gabimet.